ج ك پ مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي ئىشلار كومىتېتىنىڭ رەئىسى شى جىنپىڭ 9-ئاپرېل جۇڭگو خەلق قوراللىق ساقچى قىسىم ئالاھىدە ساقچى ئىنىستىتۇتىنى كۆزدىن كەچۈردى ھەمدە «ئوۋ بۈركىتى زەربىدارلار ئەترىتى»گە بايراق تەقدىم قىلىپ، قوراللىق قىسىمدىكى بارلىق ئوفىتسېر-ئەسكەرلەرگە سەمىمىي سالام يوللىدى. ئۇ مۇنداق تەكىتلىدى: قوراللىق قىسىم دۆلەتنىڭ تېررورلۇققا قارشى تۇرۇپ، مۇقىملىقنى ساقلاشتىكى مۇھىم كۈچ بولۇپ، پارتىيە مەركىزىي كومىتېتىنىڭ قارار ۋە ئورۇنلاشتۇرۇشلىرىنى ئەستايىدىل ئىزچىللاشتۇرۇپ، ھەرخىل زوراۋانلىق، تېررورلۇق جىنايىي ھەرىكەتلىرىگە قەتئىي زەربە بېرىپ، دۆلەتنىڭ بىخەتەرلىكى ۋە ئىجتىمائىي مۇقىملىقنى قوغداپ، خەلقنىڭ خاتىرجەم تىرىكچىلىك قىلىشىغا كاپالەتكە قىلىشى كېرەك

بوئاۋ ئاسىيا مۇنبىرىنىڭ 2014-يىللىق يىغىنى 10-ئاپرېل چۈشتىن بۇرۇن خەينەن ئۆلكىسىنىڭ بوئاۋدا ئېچىلدى، باش مىنىستىر لى كېچياڭ ئېچىلىش مۇراسىمىغا قاتناشتى ھەمدە «ئاسىيانىڭ تەرەققىيات يېڭى كەلگۈسىنى ئورتاق يارىتايلى»دېگەن تېمىدا باش مەقسەتلىك سۆز قىلدى.

لى كېچياڭ مۇنداق دېدى: ھازىرقى ئاسىيا تەرەققىياتنىڭ ئاچقۇچلۇق مەزگىلىدە تۇرماقتا. ئاسىيادىكى ھەرقايسى دۆلەتلەر كونا مەسىلىلەرگە، شۇنداقلا نۇرغۇن يېڭى ئاۋارىچىلىقلارغا يولۇقماقتا. ئاسىيانىڭ مەسىلىسىنى ھەل قىلىش تۈپ يىلتىزىدىن ئېيتقاندا تەرەققىياتقا تايىنىدۇ. تەرەققىيات دۇنيانى ئۆزگەرتىدۇ، تەرەققىيات كەلگۈسىنى يارىتىدۇ. تەرەققىيات يەنىلا ئاسىيا ئەللىرىنىڭ 1-مۇھىم ۋەزىپىسى.

بۇ يەردە مەن مۇنداق بىر قانچە نۇقتىلىق كۆز قارىشىمنى ئوتتۇرغا قويۇپ، كۆپچىلىك بىلەن ئالماشتۇرۇش ئېلىپ بېرىشنى خالايمەن. 　　1-، ئورتاق تەرەققىيات چوڭ يۆنىلىشىدە چىڭ تۇرۇپ، ئاسىيانىڭ مەنپەئەت ئورتاق گەۋدىسىنى بەرپا قىلىش. 　2-، سىڭىشىپ تەرەققىي قىلىش چوڭ قېلىپىنى ھاسىل قىلىپ، ئاسىيانىڭ تەقدىر ئورتاق گەۋدىسىنى شەكىللەندۈرۈش. 　3-، تىنچ تەرەققىيات چوڭ مۇھىتىنى قوغداپ، ئاسىياغا مەسئۇل بولىدىغان ئورتاق گەۋدىنى بەرپا قىلىش.

　　شۇ يەر ۋاقتى 2014-يىلى 9-ئاپرېل، ئامېرىكا تېكساس ئىشتاتى، خود قورغىنى ھەربىي بازىسىدا چوڭ كۆلەملىك خاتىرىلەش مۇراسىمى ئۆتكۈزۈلۈپ، بىر ھەپتە بۇرۇنقى ئوققا تۇتۇش ۋەقەسىدە قازا قىلغان ئۈچ ئەسكەرگە ماتەم تۇتۇلدى، ئامېرىكا پىرېزىدېنتى بىلەن بىرىنچى خانىم مىچىل شۇ كۈندىكى مۇراسىمغا قاتناشتى ھەم ئۇندىن باشقا يارىلانغان 16 يارىدارنىڭ ئائىلە تاۋابىئاتلىرىدىن ھال سورىدى.