دۆلەت رەئىسى شى جىنپىڭ تۈنۈگۈن خەلق سارىيىدا سۇدان مىللىي پارلامېنتىنىڭ باشلىقى فاتىخ ئىزادىن بىلەن كۆرۈشتى.
شى جىنپىڭ مۇنداق دېدى: يېرىم ئەسىرىدىن كۆپرەك ۋاقىتتىن بۇيان، جۇڭگو سۇدان دوستلۇقى مۇستەھكەملىنىپ، ئىككى دۆلەت باراۋەر مۇئامىلىدە بولۇش، بىر-بىرىنى قوللاش، ھەمكارلىشىپ تەڭ غەلبە قىلىشتىكى ياخشى دوست، ياخشى قېرىنداش، ياخشى شېرىككە ئايلاندى. جۇڭگو ئىككى دۆلەت مۇناسىۋىتىگە باشتىن-ئاخىر ئىستراتىگىيەلىك يۈكسەكلىك ۋە يىراققا نەزەر سېلىش نۇقتىسىدىن مۇئامىلە قىلىپ كەلدى، جۇڭگو ئىككى دۆلەت دىپلوماتىك مۇناسىۋەت ئورناتقانلىقىنىڭ 55 يىللىقىنى پۇرسەت دەپ بىلىپ، سۇدان بىلەن بىرلىكتە تىرىشچانلىق كۆرسىتىپ، ھەر قايسى ساھەلەردىكى دوستلۇق ھەمكارلىقنى ئومۇميۈزلۈك چوڭقۇرلاشتۇرۇپ ۋە پائال قانات يايدۇرۇپ، ئىككى دۆلەت مۇناسىۋىتىنىڭ يېڭى سەھىپىسىنى بىرلىكتە يېزىشنى خالايدۇ.
شى جىنپىڭ مۇنداق دېدى: ئىككى دۆلەتنىڭ قانۇن تۇرغۇزۇش ئاپپاراتلىرى ئوتتۇرىسىدىكى دوستلۇق ئالاقىسى-ئىككى تەرەپلىك مۇناسىۋەتنىڭ مۇھىم تەركىبى قىسمى، شۇنداقلا ئىككى دۆلەت خەلقىنىڭ دوستلۇقنى ئىلگىرى سۈرۈش، ئالماشتۇرۇش، ئۆز-ئارا ئەينەك قىلىشنىڭ مۇھىم يولى. مەن جۇڭگو مەملىكەتلىك خەلق قۇرۇلتىيى بىلەن سۇدان مىللىي پارلامېنتىنىڭ ئالماشتۇرۇش ۋە ھەمكارلىقنى كۈچەيتىشنى قوللايمەن، ئىككى دۆلەتنىڭ قانۇن تۇرغۇزۇش ئاپپاراتلىرىنىڭ ئىككى دۆلەت خەلقىنىڭ ئۆز-ئارا چۈشىنىش ۋە دوستلۇقىنى ئىلگىرى سۈرۈش، ئىككى دۆلەتنىڭ دوستلۇق ھەمكارلىق مۇناسىۋىتى تەرەققىياتىغا تۈرتكە بولۇش ئۈچۈن يېڭىدىن تېخىمۇ زور تۆھپە قوشۇشنى ئۈمىد قىلىمەن.
فاتىخ مۇنداق دېدى: مەن ئىككى دۆلەتنىڭ خەلق ئارىسىدىكى دوستلۇقنى يەنىمۇ چوڭقۇرلاشتۇرۇش ئۈچۈن، قېرىنداشلاردەك دوست ئۆتىدىغان جۇڭگوغا كەلدىم، جۇڭگونىڭ سۇداننىڭ ئىقتىساد جەمئىيەت تەرەققىياتىغا پائال ياردەم بەرگەنلىكىگە مىننەتدارلىق بىلدۈرىمەن، جۇڭگو بىلەن بىرلىكتە ئىككى دۆلەتنىڭ ئېنېرگىيە، كانچىلىق، ئۇل ئەسلىھە قاتارلىق ساھەلەردىكى ھەمكارلىقنى شۇنداقلا خەلقئارا ۋە رايون ئىشلىرىدا ماسلىشىش، كېڭىشىنى داۋاملىق كۈچەيتىشنى خالايمىز.