- مۇھىم
- مەملىكەت
- شىنجاڭ
- خەلقئارا
داۋانچىڭ - ئۈرۈمچى ئارىسىدا قاتنايدىغان پويىز 11-ئاينىڭ 25-كۈنى «ئىشقا چۈشىدۇ»
2018.11.15 15:12 مەنبە: تەڭرىتاغ ئۇيغۇرچە تورى
شەھەر ئىستېمالى سەھەر گېزىتى خەۋىرى: مۇخبىرنىڭ 11-ئاينىڭ 12-كۈنى ئۈرۈمچى داۋانچىڭ رايونىدىن ئىگىلىشىچە، داۋانچىڭ رايونى بىلەن ئۈرۈمچى جەنۇبىي ۋوگزال ئارىسىدا 11-ئاينىڭ 25-كۈنى رەسمىي شەھەر ئارا پويىز قاتنايدىكەن. پويىز قاتنىغاندىن كېيىن، داۋانچىڭ ۋوگزالىدىن ھەر كۈنى ئالتە قېتىم ماڭىدىكەن، بېلەت باھاسى 15 يۈەندىن ئېشىپ كەتمەيدىكەن.
نۆۋەتتە، داۋانچىڭ رايونىدىن ئۈرۈمچى جەنۇبىي ۋوگزالغا قاتنايدىغان لىنىيەدىكى شەھەر ئارا تۆمۈريول ۋاقىتلىق بېكىتى ئاساسىي جەھەتتىن پۈتۈپ، ئىچىدىكى ئەسلىھە ئورنىتىش خىزمىتى ئاخىرقى باسقۇچقا كىرگەن بولۇپ، 11-ئاينىڭ 25-كۈنى رەسمىي ئىشلىتىشكە كىرىشتۈرۈلىدىكەن، بۇ چاغدا داۋانچىڭ رايونىدىكى ئاھالىلەر ۋە ھەرقايسى جايلاردىكى ساياھەتچىلەر پويىزغا ئولتۇرۇپ ئىككى جاي ئارىسىدا قاتنىسا بولىدىكەن.
تونۇشتۇرۇلۇشىچە، مەزكۇر شەھەر ئارا پويىز لىنىيەسىنىڭ ئومۇمىي ئۇزۇنلۇقى 90 كىلومېتىردىن ئاشىدىغان بولۇپ، يۈرۈشكە بىر سائەت كېتىدىكەن، داۋانچىڭ بېكىتىدە 40 مىنۇت ئەتراپىدا توختايدىكەن.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مۇستافا شاۋكەت
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
