سۈرەتتە: مەھلىيا ھىندىستان كىنو چولپىنى ئامىرخان ۋە جۇڭگو كىنو چولپىنى خۇاڭ بونىڭ سۆھبىتىگە تەرجىمانلىق قىلماقتا
خەلق تورى ئۇيغۇرچە قانىلىنىڭ 3- ماي بېيجىڭدىن بەرگەن تېلېگراممىسى: جۇڭگو كىنو بازارلىرىدا ئىزچىل سەل قارىلىپ كېلىۋاتقان ھىندىستان كىنولىرىنىڭ يېقىنقى يىللاردىن بۇيان جۇڭگو كىنو بازارلىرىغا كىرگۈزۈلۈش سانىنىڭ ئېشىپ بېرىشىغا ئەگىشىپ، ھىندىستان كىنولىرى، بولۇپمۇ ئامىرخان باش رول ئالغان كىنولار جۇڭگودا قىزغىن ئالقىشقا ئېرىشمەكتە ۋە يۈكسىلىۋاتقان بېلەت كىرىمىنى ياراتماقتا. «ئۈچ ئەخمەق»، «يەرشارىدىكى يۇلتۇزلار»، «PK»، «باخۇبالى خان»، «چېلىشايلى دادا»، «سىرلىق چولپان» قاتارلىق كىنولار ھىندىستاننىڭ پىشقان كىنو سەنئىتى ۋە ئامىرخاننىڭ ئۆزگىچە ئورۇنلاش ماھارىتى ئارقىلىق كىشىلەرنىڭ قەلب تارىنى چېكىپ، گاھ كۈلدۈرۈپ، گاھ ئويغا چۆمدۈرمەكتە.
زادى قانداق ئامىللار ھىندىستان كىنولىرىنىڭ جۇڭگو كىنو بازىرىدا يېقىندىن بۇيان بارغانسېرى ئالقىشقا ئېرىشىپ بېرىشىغا سەۋەب بولىۋاتقاندۇ؟ داڭلىق چولپان ئامىرخان ئۆز كەسپىگە قانداق مۇئامىلە قىلىدىغاندۇ؟ بۇ سوئاللارغا جاۋاب تېپىش ئۈچۈن، ھىندىستان كىنولىرى بىلەن رىشتە باغلىغان، «چېلىشايلى دادا»، «سىرلىق چولپان»، «ئەسەبىي مەستانە»، «باخۇبالى خان» قاتارلىق كىنولارنىڭ جۇڭگوغا كىرگۈزۈلۈش خىزمىتىگە قاتناشقان، ھەمدە ئامىرخاننىڭ جۇڭگودىكى پائالىيەتلىرىدىكى ياردەمچىلىك ۋە تەرجىمانلىق ۋەزىپىسىنى ئۈستىگە ئالغان مەھلىيا مەشھۇر بىلەن ھىندىستان كىنوچىلىقى ھەققىدە بىر مەيدان سۆھبەت ئۆتكۈزدۇق.
تۆۋەندىكى سىننى كۆرۈپ، مەھلىيانىڭ يۇقىرىقى سوئاللار ھەققىدىكى جاۋابلىرىنى ئاڭلاپ باققايسىلەر.
كۆرۈپ بېكىتكۈچى: موللانىياز تۇنىياز
مەنبە: خەلق تورى