ئېلىمىزدە يېڭى «تۇبېركۇليوزىدىن مۇداپىئەلىنىشنى باشقۇرۇش چارىسى» رەسمىي يولغا قويۇلدى

2013.03.25 13:42 مەنبە: جۇڭگو ئۇيغۇرچە رادىيو تورى

پرىنتېرلاش

خەت چوڭ-كىچىكلىكى

24-مارت، نىڭشىيا يىنچۈەن شەھىرى جەنۇبىي مەيدانىدا، داۋالاش خادىملىرى شەھەر خادىملىرىغا تەشۋىقات ماتېرىياللىرىنى تارقىتىپ بەردى. 24-مارت 18-قېتىملىق دۇنيا تۇبېركۇليوز كېسىلى كۈنى.

　　جۇڭگو ئۇيغۇرچە رادىيو تورى 24-مارت بېيجىڭ خەۋىرى:24-مارت «دۇنيا تۇبېركۇليوز كېسىلىنىڭ ئالدىنى ئېلىش ۋە داۋالاش كۈنى»، تۇبېركۇليوز كېسىلى كىشىلەرنىڭ ساغلاملىقى ۋە ئاممىۋى سەھىيە بىخەتەرلىكىگە ئېغىر زىيان يەتكۈزۈۋاتقان ئاستا خاراكتېرلىق نەپەس يولى يۇقۇملۇق كېسىلى. ئىلىمىز دۇنيادىكى تۇبېركۇليوز كېسىلى يۈكى ئەڭ ئېغىر 22 دۆلەتنىڭ بىرى. ئىلىمىزنىڭ يېڭى « تۇبېركۇليوز كېسىلىنىڭ ئالدىنى ئېلىش ۋە داۋالاشنى باشقۇرۇش چارىسى» 24-مارت رەسمىي يولغا قويۇلدى.

　　تۈزىتىلگەندىن كېيىنكى «چارە»دە تۇبېركۇليوز كېسىلىنى نۇقتىلىق داۋالاش ئورگانلىرىنىڭ بىمارلارنى داۋالاشقا مەسئۇل بولۇشى ۋە بىمارنى يوقلاپ تۇرۇشى، تۇبېركۇليوز كېسىلى بىلەن يېقىندىن ئۇچراشقۇچىلارنى تەكشۈرۈش، بىمار ۋە ئۇنىڭ ئائىلە تاۋابىئاتلىرىغا ساغلاملىق تەربىيەسى بېرىشى ئېنىق بەلگىلەندى، چارىدە يەنە تۇبېركۇليۇز كېسىلىنى نۇقتىلىق داۋالاش ئاپپاراتلىرىنىڭ تۇبېركۇليۇز بىمارلىرىنى مۇۋاپىق داۋالىنىش لايىھىسى تۈزۈپ، قېلىپلاشقان مۇلازىمەت قىلىشى ئېنىق بېكىتىلدى. شەھەر دەرىجىلىكتىن يۇقىرى تۇبېركۇليوز كېسىلىنى نۇقتىلىق داۋالاش ئورگانلىرى دورىغا چىدامچان تۇبېركۇليوز بىمارلىرىنى داۋالاش لايىھىسى تۈزۈپ داۋالايدۇ.

مەسئۇل مۇھەررىر : قەدىرىيە