- مۇھىم
- مەملىكەت
- شىنجاڭ
- خەلقئارا
چىڭگىل ناھىيىسى ئاپەتكە ئۇچىرىغان ئائىلىلەرگە بېرىلدىغان يېزا ئىگىلىك سۇغۇرتىسى تۆلەم پۇلىنى نەقلەشتۈردى
2015.12.25 14:34 مەنبە: خەلق تورى
خەلق تورى ئۇيغۇرچە قانىلىنىڭ 25-دېكابر بېيجىڭدىن بەرگەن تېلېگراممىسى:22-دېكابر، چىڭگىل ناھىيىلىك يېزا ئىگىلىك سۇغۇرتىسى تۆلىمىنى نەقلەشتۈرۈش يىغىنى ئارال يېزىلىق پارتىيە - ھۆكۈمەت ئۇنىۋېرسال بىناسىدا ئېچىلدى، ئاپەتكە ئۇچرىغان دېھقان ئائىلىلىرىگە بېرىلىدىغان يېزا ئىگىلىك سۇغۇرتا تۆلەم پۇلى نەقلەشتۈرۈلدى.
2015-يىلى، چىڭگىل ناھىيىسىدە جەمئىي 176 مىڭ مو يەر خەلق مال - مۈلۈك سۇغۇرتىسى چىڭگىل تارماق شىركىتى تېرىقچىلىق سۇغۇرتىسىغا قاتناشتۇرۇلغان. قۇرغاق ئىسسىق شامالنىڭ تەسىرىگە ئۇچرىغانلىقتىن، چىڭگىل ناھىيەسىدە نۇرغۇن دېھقانچىلىق زىرائەتلىرىنىڭ ھوسۇلى كېمىيىپ كەتتى. خەلق مال - مۈلۈك سۇغۇرتىسى چىڭگىل تارماق شىركىتى ناھىيىدىكى سۇغۇرتىغا قاتناشقان دېھقانلارنىڭ يېرىنى تەكشۈرۈپ زىياننى بېكىتتى. زىيانغا ئۇچرىغان بۇغداي 23 مىڭ موغا، تۆلەم سوممىسى 4 مىليون 300 مىڭ يۈەن، جەمئىي نەپكە ئېرىشكەن دېھقان ئائىلىسى 1911 گە يەتتى.
بۇ يىل چىڭگىل ناھىيىسى يېزا ئىگىلىك سۇغۇرتىسىغا تاپشۇرغان سۇغۇرتا ھەققى جەمئىي 75مىليون 90مىڭ يۈەن، مەركەز، ئاپتونۇم رايون، ۋىلايەت - ناھىيىلەر تولۇقلىما ياردەم پۇلى ئاجىرتىپ دېھقانلارغا نەپ يەتكۈزۈش سىياسەتلەرنى قوللىدى. بۇنىڭ ئىچىدە، مەركەز مالىيىسى % 40 ئىقتىسادىي ياردەم بەردى، ئاپتونوم رايون مالىيىسى % 25 ئىقتىسادىي ياردەم بەردى، ئالتاي ۋىلايەتلىك مالىيىسى % 5 ئىقتىسادىي ياردەم بەردى، چىڭگىل ناھىيە مالىيىسى % 20 ئىقتىسادىي ياردەم بەردى. دېھقان ئائىلىلىرى ئۆزلىرى %10 تاپشۇردى، دېھقان ئائىلىلىرى تاپشۇرغان سۇغۇرتا ھەققى مۇنداق ھېسابلىنىدۇ : بۇغداي ۋە ياغلىق ئاپتاپپەرەس ھەر مو يەرگە 4.2 يۈەن. قوناق، سېرىق پۇرچاق، قىزىلچا بىر مو يەرگە 4.9 يۈەن .
تەكشۈرۈپ بېكىتكۈچى: تۇرغۇن ئابلىز
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : مەلىكەم مەمەت
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
