- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
خەلق ئاۋىياتسىيەسى ئاپتونوم رايونىمىزدىن 80 نەپەر ئۇچقۇچى قوبۇل قىلىدۇ
2013.09.30 16:13 مەنبە: تەڭرىتاغ ئۇيغۇرچە تورى
مۇخبىرنىڭ 29-سېنتەبىر ئاپتونوم رايونلۇق ئوقۇغۇچى قوبۇل قىلىش ئىشخانىسىدىن ئىگىلىشىچە ، بېيجىڭ ئاۋىياتسىيە، ئالەم قاتنىشى ئۇنىۋېرسىتېتى ئۇچۇش ئىنىستىتۇتى ، جۇڭگو خەلق ئاۋىياتسىيەسى ئۇچۇش ئىنىستىتۇتى 2014-يىلى شىنجاڭ ئۇيغۇر ئاپتونوم رايونىدىن ئۇچۇش تېخنىكىسى كەسپى (تولۇق كۇرس)گە 80 نەپەر ئوقۇغۇچى قوبۇل قىلىدىكەن . تىزىملاش خىزمىتى 2013-يىلى 10-ئاينىڭ 10-كۈنىدىن 12-ئاينىڭ 28-كۈنىگىچە ئېلىپ بېرىلىدىكەن .
خەلق ئاۋىياتسىيەسىنىڭ 2014-يىلى شىنجاڭدىن ئوقۇغۇچى قوبۇل قىلىشتىكى ئوبيېكتى ۋە ئاساسىي شەرتلىرى : 2014-يىللىق مەملىكەتلىك ئادەتتىكى ئالىي مەكتەپلەرگە ئوقۇغۇچى قوبۇل قىلىش بويىچە بىر تۇتاش ئىمتىھانىغا قاتناشقان ھەمدە خەنزۇ تىلىدا ئوقۇغۇچى قوبۇل قىلىش پىلانى بويىچە ئىمتىھانغا تىزىملاتقان ، ئىجتىمائىي پەن ، تەبىئىي پەن بويىچە تولۇق ئوتتۇرا مەكتەپنى پۈتكۈزگەن ئوغۇل ئوقۇغۇچىلار بولۇش ، مەملىكەتلىك ئادەتتىكى ئالىي مەكتەپلەرنىڭ بىر تۇتاش ئوقۇغۇچى قوبۇل قىلىشتىكى تىزىملاش شەرتىگە ماس كېلىدىغان بولۇش ، يېشى 16 دىن 20 گىچە (يەنى 1994-يىلى 8-ئاينىڭ 31-كۈنىدىن 1998-يىلى 8-ئاينىڭ 31-كۈنىگىچە بولغان ئارىلىقتا تۇغۇلغانلار) بولۇش ، توي قىلمىغان بولۇش قاتارلىقلار .
تىزىملايدىغان نۇقتىلار : ئۈرۈمچى ، سانجى ، شىخەنزە ، كۈيتۈن ، قاراماي ، بورتالا ، غۇلجا ، چۆچەك ، ئالتاي ، كورلا، ئاقسۇ ، قومۇل قاتارلىق جايلار ، يۇقىرىقى جايلاردىن باشقا جايدىكىلەر جەنۇب ئاۋىياتسىيەسى شىنجاڭ تارماق شىركىتى ئادەم كۈچى بايلىقى بۆلۈمى بىلەن ئالاقىلىشىپ تىزىملاتسا بولىدۇ .
تېلېفون نومۇرى: 3806952، 3804016-0991، 15199166952
مەسئۇل مۇھەررىر : ئالىم راخمان
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
