- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
شەنشىدىكى «ئۆي ھەدىسى» گۇڭ ئەيئەيگە 1-سوتتا 3 يىللىق مۇددەتلىك قاماق جازاسى ھۆكۈم قىلىندى
2013.09.30 13:56 مەنبە: خەلق تورى
خەلق تورى ئۇيغۇرچە قانىلىنىڭ 29-سېنتەبىر بېيجىڭدىن بەرگەن خەۋىرى: بۈگۈن چۈشتىن بۇرۇن، شەنشى ئۆلكىسى جىڭبيەن ناھىيەلىك سوت مەھكىمىسى «ئۆي ھەدىسى» گۇڭ ئەيئەي دېلوسى ئۈستىدە 1-سوتتا ئاشكارا ھۆكۈم چىقاردى، «ئۆي ھەدىسى» گۇڭ ئەيئەي دۆلەت ئورگىنى كىنىشكىسىنى يالغاندىن ياساش، ئېلىپ-سېتىش جىنايىتى ئۆتكۈزگەنلىكى ئۈچۈن، قانۇن بويىچە 3 يىللىق مۇددەتلىك قاماق جازاسىغا ھۆكۈم قىلىندى. گۇڭ ئەيئەي سوتتا نارازىلىق ئەرزى سۇنۇش-سۇنماسلىق توغرىسىدا ئېغىز ئاچمىدى.
ئىلگىرى، گۇڭ ئەيئەينىڭ شەنشى ۋە بېيجىڭدا كۆپ نوپۇسىنىڭ بارلىقى ھەمدە بېيجىڭدا ئومۇمىي كۆلىمى 9666.6 كىۋادىرات مېتىر كېلىدىغان 41 يۈرۈش ئۆيى بارلىقى ئېنىقلانغان. 24-چېسلا سوت ئېچىلغاندا، تەپتىش تارماقلىرى سوت مەھكىمىسىگە گۇڭ ئەيئەيگە 2 يىل 6 ئايدىن 3 يىلغىچە مۇددەتلىك قاماق جازاسى بېرىش توغرىسىدا تەكلىپ سۇنغان. (تۇڭ زۇڭلى خەۋىرى؛ جۇڭگو مىللەتلەر تەرجىمە ئىدارىسى تەرجىمىسى)
مەنبە: خەلق تورى
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر