خەلق تورى ئۇيغۇرچە قانىلىنىڭ 12- ئۆكتەبىر بېيجىڭدىن بەرگەن تېلېگراممىسى: 10- ئاينىڭ 10- كۈنى، ج ك پ مەركىزىي كومىتېتىنىڭ باش شۇجىسى، دۆلەت رەئىسى شى جىنپىڭ ئايرىم-ئايرىم ھالدا كۇبا كومپارتىيەسى مەركىزىي كومىتېتىنىڭ 1- شۇجىسى رائۇل كاسترو ۋە كۇبادا يېڭىدىن سايلانغان دۆلەت رەئىسى دىياس كانېلغا تېلېگرامما ئەۋەتىپ، كۇبا مەملىكەتلىك 9- نۆەتلىك خەلق ھاكىمىيىتى قۇرۇلتىيى پەۋقۇلئاددە يىغىنىنىڭ مۇۋەپپەقىيەتلىك ئېچىلغانلىقىنى ھەمدە دۆلەت رەئىسى سايلاپ چىقىلغانلىقىنى تەبرىكلىدى.
شى جىنپىڭ تەبرىك تېلېگراممىسىدا مۇنداق دەپ كۆرسەتتى: يېرىم ئەسىردىن كۆپرەك ۋاقىتتىن بۇيان، جۇڭگو-كۇبا ئىككى دۆلەت خەلقى چوڭقۇر دوستلۇق ئورناتتى، جۇڭگو بىلەن كۇبا ھازىر سەمىمىي ھالدا ئۆزئارا ئىشىنىدىغان، تەقدىرداش ياخشى دوست، ياخشى ھەمراھ ۋە ياخشى قېرىنداشلارغا ئايلاندى.
شى جىنپىڭ مۇنۇلارنى تەكىتلىدى: مەن جۇڭگو-كۇبا مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، 1- شۇجى رائۇل كاسترو بىلەن بولغان ئالاقىنى قويۇق ساقلاپ، يېڭى دەۋردىكى جۇڭگو-كۇبا دوستلۇقىنىڭ يېڭى سەھىپىسىنى ئورتاق ئېچىشنى خالايمەن. رەئىس دىياس كارنېل بىلەن بىرلىكتە تىرىشىپ، ئىككى دۆلەتنىڭ ھەمكارلىقىنى كەڭلىك ۋە چوڭقۇرلۇق جەھەتتىن ئۈزلۈكسىز كېڭەيتىپ ۋە چوڭقۇرلاشترۇپ، جۇڭگو-كۇبا مۇناسىۋىتىنىڭ مۇقىم بولۇشى ۋە ئۇزاققىچە داۋاملىشىشىنى ئىلگىرى سۈرۈشنى خالايمەن.
مەنبە: خەلق تورى
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
پەخىرلىك رېژىسسور شىرزات ياقۇپنى زىيارەت 
«ھاياتىم سەن بىلەن گۈزەل» ناملىق كىنونىڭ باش رولچىسى ئۈمىدجاننى زىيارەت
2019-يىللىق نۇسخىدىكى 5-يۈرۈش خەلق پۇلى تارقىتىلىدۇ 