خەلق تورى ئۇيغۇرچە قانىلىنىڭ 30- يانۋار بېيجىڭدىن بەرگەن تېلېگراممىسى: 2018- يىلى 11- ئاينىڭ بېشىدا «ھاياتىم سەن بىلەن گۈزەل» ناملىق ناخشا-ئۇسسۇللۇق فىلىمنىڭ قويۇلۇشى بىلەن، جۇڭگونىڭ ئىچكى ئۆلكىلىرىدىكى ھەر قايسى كىنو-تېلېۋىزىيە بازارلىرىدا ئادەتتە ناخشا-ئۇسۇل تېمىسىدىكى كىنولارنىڭ كەم بولۇشىدەك بوشلۇق تولدۇرۇلدى. شۇنىڭ بىلەن، بۇ فىلىم جۇڭگو كىنو بازارلىرىدا تاپقىلى بولمايدىغان سەنئەت قىممىتىگە ئېرىشتى. مەزكۇر فىلىمدە، داڭلىق ئۇسسۇلچى ئۈمىدجان باش رولچى قەيسەرنىڭ رولىنى ئالغان بولۇپ، ئۇ ئۆزىنىڭ ئوينىغان شىنجاڭ ئۇسسۇلى ئارقىلىق، شىنجاڭ ئۇسسۇللىرىنىڭ سېھرىي كۈچىنى نامايان قىلدى، ھەمدە ماھارەت ئىپادىسى قالتىس بولغان ئۈمىدجان ئۆزىنىڭ ئېكراندىكى سىماسىنى تاماشىبىنلارنىڭ ئېسىدە قالدۇردى.
مانا ئەمدى، بىزمۇ ئۈمىدجاننى مۇشۇ زىيارىتىمىزگە تەكلىپ قىلدۇق.
بىزنىڭ زىيارىتىمىز ئۈمىدجاندىن تۆۋەندىكىچە تېمىلارنى چۆرىدىگەن ھالدا بىر قاتار سوئاللارنى سوراش تەرزىدە داۋاملاشتى: يەنى، زىيارەتتە، ئۈمىدجاننىڭ قانداق بولۇپ كىچىكىدىلا ئۇسسۇلنى ياخشى كۆرۈپ قالغانلىقى، ئۇ ئۆگەنگەن نۇرغۇنلىغان ھەرخىل ئۇسسۇللار، يەنى ئوخشىمىغان ئۇسلۇبتىكى ئۇسسۇللار ئىچىدە قايسى خىل ئۇسۇلنى ئەڭ ياقتۇرىدىغانلىقى، بۇ ئوخشىمىغان ئۇسسۇللار ئارىسىدا ئوخشاشلىقلارنىڭ بار ياكى يوق ئىكەنلىكى، قانداق سەۋەبلەر تۈپەيلىدىن،«ھاياتىم سەن بىلەن گۈزەل» ناملىق بۇ فىلىمدە بۇ بىر رولنى ئېلىشنى قارار قىلغانلىقى، بۇ فىلىمنىڭ سېنارىيەسىدىكى ھېكايە ۋەقەلىكلىرىنى تۇنجى قېتىم ئوقۇپ چۈشەنگەندە، قانداق ھېسسىياتقا كەلگەنلىكى، بۇ فىلىم كىشىلەرگە زادى نېمىلەرنى بىلدۈرمەكچى بولغانلىقى، ئۆزى ئالغان ئۇ رولىنى ئۆزىنىڭ قانداق چۈشەنگەنلىكى، بۇ فىلىمدە رول ئالغاندا، قانداق چوڭ قىيىنچىلىقلارغا دۇچ كەلگەنلىكى، ئۆزى ئالغان ئۇ رولنى قانداق تاماملىغانلىقى، فىلىمدىكى ئۇ رولنى ئېلىپ بولغاندىن كېيىن، ئۇنىڭدا يەنە بىرەر ئەپسۇسلىنارلىق ئىشنىڭ قېلىپ قالغان ياكى قالمىغانلىقى، فىلىمدىكى قەيسەر بىلەن رېئاللىقتىكى ئۈمىدجاننىڭ پەرقى، ئىلگىرى ئايال باش رولچى گۈلمىرە بىلەن ئۇسسۇلدا ھەمراھ بولغاندىن كېيىن، بۇ قېتىممۇ يەنە ئېكراندا ھەمكارلاشقاندا، ئۇنىڭدا يەنە قانداق تەسىرات بولغانلىقى، بۇنىڭدىن كېيىنكى قەدەمدە يەنە نېمىلەرنى قىلماقچى بولىۋاتقانلىقى ھەققىدە سۇئاللار سورالدى. ئەڭ ئاخىردا، يېڭى جۇڭگو قۇرۇلغانلىقىنىڭ 70 يىللىقىنى كۈتۈۋېلىش ھارپىسىدا، ئۈمىدجان كىشىلەرگە تەبرىك سۆزى قالدۇردى.
ئەگەر سىز بىزنىڭ زىيارەت مەزمۇنىمىزغا قىزىقسىڭىز، ئۈمىدجاننىڭ يۇقىرىقى سوئاللارغا بەرگەن جاۋابلىرىنى ئاڭلاپ باققايسىز.