ئەنگلىيەلىك ئىقتىسادشۇناس: سودا ئۇرۇشى قوزغاش ئەكسىچە ئۈنۈم بېرىدۇ

　　ئەنگلىيەلىك ئىقتىسادشۇناس، ئەنگلىيە لانكاستېر داشوسىنىڭ دائىمىي مۇئاۋىن مۇدىرى سىتىف برادلېي مۇنداق دەپ ھىسابلىدى: سودا ئۇرۇشى قوزغاش ئەكسىچە ئۇنۇم بېرىدۇ، پەقەت سودىنى ئەركىنلەشتۈرۈشتە چىڭ تۇرغاندىلا،ھەرقايسى تەرەپلەرنىڭ مەنپەئەتىنى قاندۇرغىلى بولىدۇ. ئۇ مۇنداق دېدى: ئىقتىسادشۇناسلار ئۈچۈن ئېيتقاندا، سودا ئۇرۇشى قوزغاش پەقەت ئەكسىچە ئۇنۇم بېرىدۇ، تېخىمۇ كۆپ ئىقتىسادشۇناسلار سودىنى ئەركىنلەشتۈرۈشنى قوللايدۇ، سودا ھەر قايسى تەرەپلەرگە مەنپەئەت ئېلىپ كېلەلەيدىغان بولۇشى، نۆل يىغىندىلىق قورشاۋ شاھمات بولماسلىقى كېرەك. يېقىنقى ئون يىلدىن بۇيان، برادلېي دائىم جۇڭگوغا بېرىپ تەكشۈرۈپ تەتقىق قىلدى، ئۇ مەسئۇل بولغان لانكاستېر داشوسىنىڭ «بىر بەلباغ، بىر يول» تەشەببۇسى تەتقىقات يۇرتى يېقىندا رەسمىي باشلاندى، بۇمۇ ئەنگلىيەنىڭ تۇنجى «بىر بەلباغ، بىر يول» تەشەببۇسى ئەمەلىي گەۋدە تەتقىقات مەركىزى. ئۇ جۇڭگونىڭ بۇنىڭدىن كېيىن دۇنيانىڭ تەرەققىياتى ئۈچۈن مۆلچەرلىگۈسىز تۆھپە قوشىدىغانلىقىغا قەتئىي ئىشىنىدىغانلقىنى بىلدۇردى.ئۇ مۇنداق دەپ ھىسابلىدى: جۇڭگونىڭ تەرەققىياتى ناھايىتى مۇۋەپپەقىيەتلىك بولدى، دۇنيا سەھنىسىدىكى رولى بارغانسېرى مۇھىم بولماقتا، بۇ نۇقتىنى ئەنگلىيەنىڭ جۇڭگوغا بولغان ئېھتىياجىدىن كۆرۈۋالغىلى بولىدۇ.