- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
شىنجاڭدا توكسىكلىتنى باشقۇرۇش چارىسى يولغا قويۇلىدۇ
2014.01.21 13:46 مەنبە: خەلق تورى
خەلق تورى ئۇيغۇرچە قانىلىنىڭ 21-يانۋار بېيجىڭدىن بەرگەن تېلېگراممىسى: 17-يانۋار، مۇخبىرنىڭ شىنجاڭ ئۇيغۇر ئاپتونوم رايونلۇق ج خ قاتناش ساقچى باش ئەترىتىدىن ئىگىلىشىچە: «ئاپتونوم رايونلۇق توكسىكلىتنى باشقۇرۇش چارىسى» ئاپتونوم رايونلۇق خەلق ھۆكۈمىتىنىڭ 13-قېتىملىق دائىمىي كېڭەش يىغىنى مۇزاكىرىسىدە ماقۇللانغان، 2014-يىلى 1-مايدىن باشلاپ يولغا قويۇلىدىكەن.
بەلگىلمە بويىچە، توكسىكلىت ھەيدىگۈچى 16 ياشقا توشقان، قانۇن ـ تۈزۈملەردە بەلگىلەنگەن بىخەتەر ھەيدەشكە توسالغۇ بولىدىغان جىسمانىي كەمتۈكلۈكى بولماسلىقى كېرەك. توكسىكلىت ھەيدىگەندە يۈرۈش كېنىشكىسىنى بىللە ئېلىپ يۈرۈشى، توكسىكلىتقا نومۇر ئېسىشى، قاتناش بەلگە چىرىقى، قاتناش بەلگىلىرىگە، بەلگە سىزىقى كۆرسەتكۈچىگە رىئايە قىلىشى؛ ئايلىنىشتىن بۇرۇن سۈرئەتنى ئاستىلىتىپ، چىراق ئارقىلىق بەلگە بېرىشى، ئالدىدىكى قاتناش قورالىنىڭ ئالدىغا ئۆتۈشتە ئۇنىڭ يۈرۈشىگە دەخلى يەتكۈزمەسلىكى؛ پىيادىلەر توغرا يولىدىن ئۆتكەندە، سۈرئەتنى ئاستىلىتىشى؛ ماتورلۇق ماشىنا يولى، پىيادىلەر توغرا يولى ياكى كۆتۈرمە كۆۋرۈكلەردىن ئۆتكەندە، توكسىكلىتتىن چۈشۈپ ئىتتىرىپ مېڭىشى؛ تورمۇزى كاردىن چىقسا، چۈشۈپ ئىتتىرىپ مېڭىشى كېرەك.
مەنبە: خەلق تورى
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
