تېببىي خادىملارغا چىن قەلبتىن كۆڭۈل بۆلۈش لازىم

　　خەلق تورى ئۇيغۇرچە قانىلىنىڭ 20- فېۋرال بېيجىڭدىن بەرگەن تېلېگراممىسى: باش شۇجى شى جىنپىڭ يېقىندا يۇقۇمنىڭ ئالدىنى ئېلىش ۋە ئۇنى تىزگىنلەش خىزمىتىگە قاتناشقان تېبىي خادىملارغا كۆڭۈل بۆلۈش ۋە ئۇلارنى ئاسراش توغرىسىدا مەخسۇس مۇھىم يوليورۇق بەردى. كېچىنى كۈندۈزگە ئۇلاپ، يۇقۇملۇق كېسەلگە قارشى تۇرۇشنىڭ بىرىنچى سېپىدە جەڭ قىلىۋاتقان تېببىي خادىملارغا نىسبەتەن، باش شۇجىنىڭ بۇ يوليۇرۇق سۆزى نېمىدېگەن سەمىمىي ۋە ئىللىق-ھە !

　　ئۇدا جاپالىق جەڭ قىلىش ئارقىلىق، ۋۇخەننى ۋە خۇبېينى قوغداش ئۇرۇشى ئومۇميۈزلۈك ئومۇمىي ھۇجۇم باسقۇچىغا كىردى، خۇبېيغا ياردەمگە كەلگەن 30 مىڭدىن ئارتۇق تېببىي ياردەم خادىملىرى شۇ جايدىكى كەسىپداشلىرى بىلەن قول تۇتۇشۇپ، ۋاقىت بىلەن مۇسابىقىلىشىپ، كېسەل بىلەن جەڭ قىلىپ، كىشىنى ھەيران قالدۇرىدىغان ئىرادە ۋە جەڭگىۋارلىقلىرىنى نامايان قىلدى، شۇنداقلا ئادەتتىكى كىشىلەر تەسەۋۋۇر قىلالمايدىغان بېسىم ۋە خىرىسقا بەرداشلىق بەردى.

　　بۇ كۈنلەردە، بىز ئىزچىل تۈردە بۇ ئاق خالاتلىق جەڭچىلەردىن تەسىرلەندۇق، ئۇلارنىڭ يۈزلىرىدە ماسكىلارنىڭ يۈزلىرىگە پېتىپ كەتكەنلىكىدىن پەيدا بولغان ئېرىقچە ئىزلار ئەكس ئېتىپ تۇرغانلار، قوغدىنىش كىيىملىرىنى سېلىۋەتكەندە پۈتۈن بەدىنى چىلىق-چىلىق ھۆل بولۇپ كەتكەنلەر، خىزمەتكە تەسىر يەتكۈزمەسلىك ئۈچۈن، زاكا بىلەن ئىش ئورنىغا چىققانلار... مانا بۇلارنىڭ ھەممىسى قانداقمۇ ئادەمنىڭ ئىچىنى ئاغرىتمىسۇن !

　　كەڭ تېببىي خادىملار يۇقۇمنى يېڭىشتىكى تايانچ كۈچتۇر، ھەم ئۇرۇش سېپىدىكى مۇستەھكەم تۈۋرۈكتۇر، ئۇلار يېتىپ قالسا بولمايدۇ ! ئۇلارنىڭ سالامەتلىكى، ئىشەنچىسى، ئىرادىسى يۇقۇمنى يېڭىشتە ئىنتايىن مۇھىم. بۇ ۋاقىتتا، ھەر دەرىجىلىك پارتكوم ۋە خەلق ھۆكۈمەتلىرى ۋە پۈتكۈل جەمئىيەت چوقۇم ئۇلارنى ھەقىقىي تۈردە قوغداپ، ئۇلارغا كۆڭۈل بۆلۈپ، ئۇلارنى چوقۇم داۋاملىق تۈردە ۋە ساغلام ھالدا ھەمدە پۈتۈن ۋۇجۇدى بىلەن كۈرەش قىلىش ئىمكانىيىتىگە ئىگە قىلدۇرۇش كېرەك. ئۇلارنىڭ ئائىلىسىدىكىلەر ۋە بىز ھەممىمىز، ئۇلارنىڭ غەلىبە بىلەن قايتىپ كېلىشىنى ساقلاۋاتىمىز.

　　كۆرۈپ بېكىتكۈچى: موللانىياز تۇنىياز

　　مەنبە: خەلق تورى