- مۇھىم
- مەملىكەت
- شىنجاڭ
- خەلقئارا
لياۋياڭ شەھىرىنىڭ «4-ئاۋغۇست» كەلكۈن ئاپىتىدە ئۆلگەنلەر سانىنى يوشۇرۇپ مەلۇم قىلىش مەسىلىسى مەۋجۇت ئىكەنلىكى بېكىتىلدى
2017.03.30 16:20 مەنبە: خەلق تورى
خەلق تورى ئۇيغۇرچە قانىلىنىڭ 30-مارت بېيجىڭدىن بەرگەن تېلېگراممىسى: 29-مارت كەچتە، لياۋياڭ شەھەرلىك پارتكوم تەشۋىقات بۆلۈمى سىرتقا قارىتا ئومۇمىي ئۇقتۇرۇش قىلىپ، لياۋياڭ شەھەرلىك پارتكوم، خەلق ھۆكۈمىتى بىرلەشمە تەكشۈرۈش گۇرۇپپىسىنىڭ لياۋياڭ ناھىيەسىدىكى «4-ئاۋغۇست» كەلكۈن ئاپىتىدە ئۆلگەنلەر سانىدا يوشۇرۇپ مەلۇم قىلىش مەسىلىسى مەۋجۇت ئىكەنلىكىنى بېكىتكەنلىكىنى بىلدۈردى.
دەسلەپكى تەكشۈرۈش ئارقىلىق، لياۋياڭ شەھەرلىك پارتكوم، خەلق ھۆكۈمىتى بىرلەشمە تەكشۈرۈش گۇرۇپپىسى لياۋياڭ ناھىيەسىدىكى «4- ئاۋغۇست» كەلكۈن ئاپىتىدە ئۆلگەنلەر سانىدا يوشۇرۇپ مەلۇم قىلىش مەسىلىسى مەۋجۇت ئىكەنلىكىنى بېكىتتى. لياۋياڭ شەھەرلىك پارتكوم ۋە خەلق ھۆكۈمىتى بۇ ئاساستا، ئاپەتكە ئۇچرىغان رايونلارنى ئومۇميۈزلۈك تەكشۈرۈپ، پاكىتنى يوشۇرغان ئىشلارنى ئۈزۈل-كېسىل ئېنىقلاپ ھەمدە مەخسۇس دېلو گۇرۇپپىسى قۇرۇپ، قەتئىي ئىنتىزام-بەلگىلىمە بويىچە ئالاقىدار مەسئۇل كىشىلەرنى كەسكىن بىر تەرەپ قىلىشنى قارار قىلدى.
كۆرۈپ بېكىتكۈچى: ياسىن قادىر
مەنبە: خەلق تورى
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى
بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ئالىم راخمان
ئالاقىدار خەۋەرلەر