يۇقۇم مەزگىلىدە مەركەزلىك ھاۋا تەڭشىگۈچنى قانداق ئىشلىتىش كېرەك؟

　　خەلق تورى ئۇيغۇرچە قانىلىنىڭ 14- فېۋرال بېيجىڭدىن بەرگەن تېلېگراممىسى: 2-ئاينىڭ 13-كۈن چۈشتىن كېيىن، گوۋۇيۈەن بىرلىشىپ ئالدىنى ئېلىش، بىرلىشىپ تىزگىنلەش مېخانىزمى ئاخبارات ئېلان قىلىش يىغىنى ئېچىپ، مۇھىم داۋالاش ماددىي ئەشيالىرىنى كاپالەتلەندۈرۈش ۋە داۋالاش بايلىقىنى تەڭشەشنى كاپالەتلەندۈرۈشنىڭ ئەڭ يېڭى ئىلگىرىلەش ئەھۋالىنى تونۇشتۇردى. مەركەزلىك ھاۋا تەڭشىگۈچنى ئىشلىتىش مەسىلىسىگە قارىتا، جۇڭگو كېسەللىكنىڭ ئالدىنى ئېلىش-تىزگىنلەش مەركىزى مۇھىت ئورنىنىڭ تەتقىقاتچىسى جاڭ ليۇبو مۇنداق دېدى: ھاۋا تەڭشىگۈچنىڭ شامال چىقىش ئېغىزى، شامال كىرىش ئېغىزىدىكى سۈزگۈچ قاتارلىق ئورۇنلارنى ھەپتىدە بىر تازىلاش ئىنتايىن مۇھىم. شامال بىلەن تەمىنلەش دائىرىسى ئىچىدە يېڭى تىپتىكى تاجسىمان ۋىرۇسلۇق ئۆپكە ياللۇغى ئاغرىقى ۋە گۇمانىي ئاغرىقلار بايقالسا، مەركىزىي ھاۋا تەڭشىگۈچنى ۋاقتىدا تاقاپ، دېزىنفېكسىيە قىلىپ، باھالاپ لاياقەتلىك بولغاندىن كېيىن ئاندىن ئىشلىتىش كېرەك. ئۇنىڭدىن باشقا، يەنە شۇنىڭغا ئالاھىدە دىققەت قىلىش كېرەككى، بەزى دېزىنفېكسىيە قىلىش قۇرۇلمىسى ياكى ساپلاشتۇرۇش قۇرۇلمىسى ئورنىتىلغان مەركەزلىك ھاۋا تەڭشىگۈچنى يۇقۇم تارقالغان مەزگىلدە ئېچىش كېرەك.

　　كۆرۈپ بېكىتكۈچى: ياسىن قادىر

　　مەنبە: خەلق تورى