- مۇھىم
- مەملىكەت
- شىنجاڭ
- خەلقئارا
ھەر قايسى تەرەپلەر جۇڭگونىڭ دۇنيانىڭ تەرەققىيات ئىشلىرىغا تۈرتكە بولىۋاتقانلىقىغا يۇقىرى باھا بەردى
2015.09.29 16:46 مەنبە: خەلق تورى
دۆلەت رەئىسى شى جىنپىڭنىڭ بىرلەشكەن دۆلەتلەر تەشكىلاتىنىڭ تەرەققىيات باشلىقلار يىغىنى، يەر شارى ئايال باشلىقلار يىغىنىدا قىلغان بىر قاتار سۆزلىرى ۋە جاكارلىغان مۇھىم تەشەببۇسلىرى خەلقئارا جەمئىيەتنىڭ يۇقۇرى باھاسىغا ئېرىشتى.بىرلەشكەن دۆلەتلەر تەشكىلاتىنىڭ دائىمىي ئىشلارغا مەسئۇل مۇئاۋىن باش كاتىپى ئېلياسسون رەئس شى جىنپىڭنىڭ بىرلەشكەن دۆلەتلەر تەشكىلاتى تەرەققىيات باشلىقلار يىغىنىدا قىلغان مۇھىم سۆزلىرىنى ئاڭلىغاندىن كېيىن مۇنداق دېدى: جۇڭگو رەھبەرلىرى 2015-يىللىق تەرەققىيات قارالمىسىنى كۆزدە تۇتۇپ ئىستراتېگىيەلىك ئەھمىيەتكە ئىگە نۇرغۇن نىشانلارنى ئوتتۇرىغا قويدى ھەمدە بۇ نىشانلارنى ئەمەلىي ھەرىكىتىدە كۆرسەتتى، بۇ ئۇسۇل دۇنياغا ناھايىتى ياخشى ئۈلگە تىكلەپ بەردى.
دۇنيا بانكىسىنىڭ باشلىقى كىم يۇڭ مۇنداق دېدى: رەئىس شى جىنپىڭ بىرلەشكەن دۆلەتلەر تەشكىلاتىنىڭ تەرەققىيات باشلىقلار يىغىنىغا قاتنىشىشى ئىنتايىن مۇھىم، جۇڭگو نامراتلىقنى ئازايتىش قاتارلىق ساھەلەردە غايەت زور نەتىجىگە ئېرىشتى، دۇنيادىكى باشقا تەرەققىي قىلىۋاتقان دۆلەتلەرنىڭ نامراتلىقنى تۈگىتىشىگە ياردەم بېرىشتە رەھبەرلىك رولىنى ئوينىدى.
سېررالىئون زۇڭتۇڭى كىروما مۇنداق دېدى: رەئىس شى جىنپىڭ جاكارلىغان ئەڭ تەرەققىي قىلمىغان دۆلەتلەرنىڭ قەرىزىنى ئازايتىش ياكى كەچۈرۈم قىلىش سىياسىتى سېررالىئوننىڭ ئىقتىسادىي تەرەققىياتىغا پايدىلىق بولۇپلا قالماستىن، پۈتكۈل ئافرىقىغا نىسبتەن مۇھىم ئەھمىيەتكە ئىگە.
جۇڭگو بىلەن بىرلەشكەن دۆلەتلەر تەشكىلاتى بىرلىكتە ئۇيۇشتۇرغان دۇنيا ئايال باشلىقلار يىغىنى ئۈلۈشكۈن نيويوركتا ئۆتكۈزۈلدى، يىغىنغا قاتناشقان بىرلەشكەن دۆلەتلەر تەشكىلاتى ئاياللار ئىشلىرى مەھكىمىسىنىڭ مۇئاۋىن ئىجرائىيە مۇدىرى پۇررى: بۇ بىر قېتىملىق تارىخىي ئەھمىيەتكە ئىگە باشلىقلار يىغىنى، دېدى، ھەمدە جۇڭگونىڭ ئالاقىدار ساھەلەردە قولغا كەلتۈرگەن نەتىجىلىرىنى قۇۋۋەتلىدى.
ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ
خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
