- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
شى جىنپىڭ لياڭ جىنيىڭ ۋە سۈي شىئەن بىلەن ئايرىم-ئايرىم كۆرۈشتى
2013.12.19 15:59 مەنبە: خەلق تورى
دۆلەت رەئىسى شى جىنپىڭ تۈنۈگۈن جۇڭنەنخەيدە بېيجىڭغا خىزمىتىدىن دوكلات بېرىش ئۈچۈن كەلگەن شىياڭگاڭ ئالاھىدە مەمۇرى رايونىنىڭ باش مەمۇرى لياڭ جىنيىڭ ۋە ئاۋمىن ئالاھىدە مەمۇرى رايونىنىڭ باش مەمۇرى سۈي شىئەن بىلەن ئايرىم-ئايرىم كۆرۈشتى. جاڭ دېجاڭ، لى يۈەنچاۋ، لى جەنشۇ، ياڭ جىچى قاتارلىقلار كۆرۈشىشكە قاتناشتى.
چۈشتىن كېيىن سائەت ئۈچتە شى جىنپىڭ شىياڭگاڭ ئالاھىدە مەمۇرى رايونىنىڭ باش مەمۇرى لياڭ جىنيىڭ بىلەن كۆرۈشتى. شى جىنپىڭ مۇنداق دېدى: جۇڭگو كومپارتىيەسى 18-نۆۋەتلىك مەركىزى كومىتېتى 3-ئومومىي يىغىنىدا ئىسلاھاتنى ئومۇميۈزلۈك چوڭقۇرلاشتۇرۇش ئومۇمىي جەھەتتىن ئورۇنلاشتۇرۇلدى، بۇ دۆلەتنىڭ تەرەققىياتىغا مۇناسىۋەتلىك زور ئىستراتىگىيەلىك ئورۇنلاشتۇرۇش، بۇ جەرياندا شىياڭگاڭ تېخىمۇ كۆپ تەرەققىيات پۇرسىتى ۋە تېخىمۇ كەڭ تەرەققىيات بوشلۇقىغا ئېرىشىدۇ.
شى جىنپىڭ مۇنداق دېدى: بىز بازارنىڭ بايلىق تەقسىملەشتە ھەل قىلغۇچ رول ئوينىشىنى ھەمدە ھۆكۈمەتنىڭ رولىنى تېخىمۇ ياخشى جارى قىلدۇرۇشىنى ئوتتۇرىغا قويدۇق، بۇ شىياڭگاڭ، ئاۋمىن تەيۋەن بىلەن ئىچكىرىدىكى جايلارنىڭ ھەمكارلىقىغا تېخىمۇ ياخشى ئاساس سالىدۇ، تېخىمۇ چوڭقۇر، تېخىمۇ كۆپ پۇرسەت، تېخىمۇ كۆپ تەرەققىيات بوشلۇقى بىلەن تەمىنلەيدۇ.
شى جىنپىڭ مۇنداق دەپ كۆرسەتتى: مەركىزىي ھۆكۈمەتنىڭ 2017-يىلى شىياڭگاڭ ئالاھىدە مەمۇرى رايونىنىڭ باش مەمۇرىنى سايلاش مەسىلىسىدىكى مەيدانى ئىزچىل، ئېنىق.
شى جىنپىڭ مۇنداق دېدى: شىياڭگاڭدىكى ھەر ساھە زاتلارنىڭ نېگىزلىك قانۇندىكى بەلگىلىمە ۋە مەملىكەتلىك خەلق قۇرۇلتىيى دائىمىي كومىتېتىنىڭ قارارى بويىچە، ئەمەلىي مۇھاكىمە قىلىپ، ئورتاق تونۇشنى مۇجەسسەملەپ، 2017-يىلى شىياڭگاڭ ئالاھىدە مەمۇرى رايونىنىڭ باش مەمۇرىنى سايلاشقا ياخشى ئاساس سېلىشىنى ئۈمىد قىلىمەن.
چۈشتىن كېيىن سائەت تۆتلەردە شى جىنپىڭ سۈي شىئەن بىلەن كۆرۈشۈپ، سۈي شىئەن ۋە ئاۋمىن ئالاھىدە مەمۇرى رايونلۇق ھۆكۈمەتنىڭ خىزمەتلىرىنى تولۇق مۇئەييەنلەشتۈردى. شى جىنپىڭ مۇنداق دېدى: ئاۋمىننىڭ سىجىل تەرەققىياتىنى ئىشقا ئاشۇرۇشتا، ئالاھىدە رايونۇق ھۆكۈمەت ۋە ئاۋمىن جەمئىيىتىنىڭ ھەر قايسى ساھەلىرىنىڭ داۋاملىق تىرىشچانلىق كۆرسىتىشىگە توغرا كېلىدۇ.
شى جىنپىڭ مۇنداق دېدى: ئاۋمىننىڭ تەقدىرى باشتىن-ئاخىر ۋەتىنىمىزنىڭ ئىچكىرى جايلىرى بىلەن زىچ بىرلەشكەن، ۋەتىنىمىزنىڭ ئىچكىرى جايلىرىنىڭ تەرەققىيات مۇساپىسىدا، ئاۋمىن داۋاملىق ئىچكىرى جايلىرى بىلەن ماس قەدەمدە تەك تەرەققىي قىلىدۇ.
مەسئۇل مۇھەررىر : ئالىم راخمان
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
