فۇدەن ئۇنىۋېرسىتېتىنىڭ تىببىي ماگستىر ئاسپىرانتى زەھەر سېلىنغان سۇ ئىچىپ قازا قىلدى

2013.04.17 17:29 مەنبە: خەلق تورى

پرىنتېرلاش

خەت چوڭ-كىچىكلىكى

خۇاڭ ياڭ ）ماتېرىيال سۈرەت)

　　فۇدەن ئۇنىۋىرسىتېتىنىڭ ئىگە تەرەپ مىكروبىلوگىدا بېرىلگەن ئۇقتۇرۇشتىن قارىغاندا، 1-ئاپرېل مەزكۇر مەكتەپنىڭ 2010-يىللىق ئاسپىرانت ئوقۇغۇچىسى خۇاڭ ياڭ بىئارام بولۇشقا باشلىغان ھەمدە شۇ كۈنى كەچتە دوختۇرخانىغا ئېلىپ كېلىنگەن. دوختۇرلار كۆپ قېتىم كوللېكتىپ دىياگنوز قويۇشقا تەشكىللەنگەن ۋە كېسەللىك سەۋەبىنى ئېنىقلاش يۈزىسىدىن تەكشۈرگەن بولسىمۇ ئەمما كېسەللىك سەۋەبىنى تاپالمىغان. 11-چېسىلا، ساقچىلار خۇاڭ ياڭنىڭ ياتىقىدىكى سۇ ماشىنىسدا قېپقالغان سۇدىن مەلۇم بىر خىل زەھەرلىك بىرىكمە ماددىنى تەكشۈرۈپ چىققان.

　　12-چېسلا، ياتاقدىشى لىن xx نىڭ گۇمانلىقلىقى ئاساسىي جەھەتتىن بېكىتلگەن.

　　مۇخبىرنىڭ ئىگىلىشىچە، ئەمدىلا دوكتۇرلۇق ئىمتىھانىدىن ئۆتكەن خۇاڭ ياڭ 1985-يىلى تۇغۇلغان بولۇپ، سىچۈەن زىگوڭدىن. جىنايەت گۇماندارى لىن xx گۇاڭدۇڭ شەنتوۋدىن بولۇپ، 1986-يىلى تۇغۇلغان. بۇ ئىككىيلەن فۇدەن ئۇنىۋېرسىتېتى تىببىي ئىنىستىتۇتىدا ئوقۇۋاتقان ئاسپىرانتلار ئىكەن.

مەسئۇل مۇھەررىر : قەدىرىيە