شىنجاڭ كەڭساي ھەق يىغىش پونكىتى 20-دېكابىردىن باشلاپ ھەق ئېلىشنى باشلايدۇ

2012.12.18 14:51 مەنبە: خەلق تورى

پرىنتېرلاش

خەت چوڭ-كىچىكلىكى

　　خەلق تورىنىڭ 18-دېكابىر بېيجىڭدىن بەرگەن خەۋىرى. 20-دېكابىر سائەت 12:00دىن باشلاپ شىنجاڭ كەڭساي يۇقىرى سۈرئەتلىك تاشيولىدىكى بىردىنبىر ھەق ئېلىش پونكىتى ــ كەڭساي ھەق ئېلىش پونكىتىدا ھەق ئېلىش رەسمىي يولغا قويۇلىدۇ.

　　ھەق ئېلىش ئۆلىچمى ماشىنا تىپىغا ئاساسەن بەلگىلىنىدۇ. ئەڭ يۇقىرى ھەق ئېلىش ئۆلچىمى 150 يۈەن ∕ قېتىم، ئەڭ تۆۋەن ھەق ئېلىش ئۆلچىمى 35 يۈەن ∕ قېتىم. يەتتە كىشىلىكتىن تۆۋەن كىرا ماشىنىسى ۋە ئىككى توننىلىقتىن يۇقىرى يۈك ماشىنىسىدىن ھەر قېتىمدا 35 يۈەن ئېلىنىدۇ، 8-19 كىشلىك كىرا ماشىنىسىدىن 55 يۈەن ئېلىنىدۇ. 15 توننىلىقتىن يۇقىرى (15 توننىنىمۇ ئۆز ئىچىگە ئالىدۇ) يۈك ماشىنىسىدىن 150 يۈەن ئېلىنىدۇ.

　　كەڭساي يۇقىرى سۈرئەتلىك تاشيولى شىنجاڭنىڭ تاغلىق رايوندىكى تۇنجى يۇقىرى سۈرئەتلىك تاشيول شۇنداقلا شىنجاڭدىكى تەڭرىتاغنى كېسىپ ئۆتكەن ھەمدە كۆۋرۈك بىلەن تونېل ئۆز ئارا تۇتاشقان تۇنجى يۇقىرى سۈرئەتلىك تاشيول بولۇپ، ئومۇمىي ئۇزۇنلۇقى 52.6 كىلومېتىر (مۇخبىر ۋاڭ با خەۋىرى)

　　

مەسئۇل مۇھەررىر : قەدىرىيە