- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
ئائىلىدە سامبوسا تەييارلاش ئۇسۇلى
2014.04.21 09:54
خام ماتېرىيالى: ئۇن، ماي، گۆش، پىياز، سەۋزە، كۆك قىزىل مۇچ، پۇشۇرۇش ئۈچۈن ئىشلىتىلدىغان ماي 1.5 كىلوگىرام.
تەم خۇرۇچلىرى: تۇز، قارمۇچ، شىكەر
تەييارلاش ئۇسۇلى: ئۇنغا مۇۋاپىق ماي، بىر چىمدىم تۇز سېلىپ، ئېتىنى بوشراق ئېلىپ پىتىر خىمىر يۇغۇرۇپ تەييارلىۋالىمىز. گۆشنى ئۇششاق توغراپ پاكىزە تازىلانغان پىياز، سەۋزە، كۆك - قىزىلمۇچلارنى ماسلاشتۇرۇپ تەييارلىۋالىمىز. قازانغا ماي قۇيۇپ قىزىغاندا توغرالغان گۆشنى سېلىپ قورۇپ سۈيى قاچقاندا ئازراق تۇز، قارمۇچ تالقىنى، توغرالغان پىيازنى سېلىپ قورۇپ تەمىنى تېتىپ قاچىغا سۈزۈپ تەييارلاپ قويىمىز.
تەييارلانغان خېمىرنى ئۇزۇن پىلتە قىلىپ ئۆلچەملىك زۇۋۇل ئۈزۈپ ھەربىر زۇۋۇلنى تەكشى نىپىزلىقتا يىيىپ ھەربىرسىنىڭ ئوتتۇرسىغا تەييارلانغان پىششىق قىيمىدىن ئېلىپ قاتلاپ چۆرىسىنى چىمدىپ قىيىقچا پىچاق بىلەن چۆرسىنى گۈل چىقىرىپ كېسىپ تەييارلىۋالىمىز.
پىشۇرۇش ئۇسۇلى: قازانغا ماي قۇيۇپ قىزىغان مايغا سامبوسىنى سېلىپ سارغۇچ قىزارتىپ پۇشۇرۇپ ئېلىپ تەخسىگە تىزىپ قويۇپ ئۈستىگە شېكەر تالقىنى سېپىپ تەييارلايمىز.
ئالاھىدىلكى: سامبوسانىڭ رەڭگى ئالتۇن رەڭ پارقىراق، خېمىرى نىپىز سەل چۈرۈك، قىيمىسى تەملىك مەززىلىك، شەكلى كۆركەم، زىياپەتلەردە ئالاھىدە تەييارلىنىدۇ.
مەنبە: جۇڭگو رادىيو تورى شىنجاڭ تارماق تورى
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
