بورچىننىڭ قىش پەسلىدىكى بالىلار

2018.01.22 16:41   مەنبە: خەلق تورى

　　نۆلدىن تۆۋەن 30 سېلسىيە گرادۇسمۇ بالىلارنىڭ پۇتبولغا بولغان قىزىقىشىنى توسالمايدۇ

　　خەلق تورى ئۇيغۇرچە قانىلىنىڭ 22-يانۋار بېيجىڭدىن بەرگەن تېلېگراممىسى: 19-يانۋار «قار-مۇز ساياھىتى قىلىپ، مىللىيچە ئۆرپ-ئادەتنى ھېس قىلىش، بالىلىقنى ئەسلەش» تېمىسىدىكى بورچىن ناھىيەسىدە ئۆتكۈزۈلگەن 2-نۆۋەتلىك «قىروۋ بايرىمى»نىڭ ئېچىلىش مۇراسىمىدا، 1000دىن ئارتۇق ساياھەتچى نەق مەيدانغا كېلىپ قىروۋ تاماشىسى قىلىپ، قار-مۇز پائالىيەتلىرىدىن ھۇزۇرلاندى.

　　نەق مەيداندا مۇز تېيىلىش، قار چانىسى ھەيدەش، مۇز ئۈستىدە ۋېلسىپىت ھەيدەش قاتارلىق كۆپ خىل قار-مۇز پائالىيەتلىرى ئۆتكۈزۈلدى، كىچىك بالىلار مەيداندا ئەركىن ئوينىشىپ، قار-مۇزلۇق بۇ جاينى بالىلار باغچىسىغا ئايلاندۇردى.

　　ئىگىلىنىشىچە، بۇ قېتىملىق «قىروۋ بايرىمى»دا قارلىق مىللىي ئۆرپ-ئادەت تەنھەرىكەت يىغىنى، قار-مۇز كۆرىكى، سۈرەتكە تارتىش، ئۆزى ئاپتوموبىل ھەيدەپ ساياھەت قىلىش، «قاردىكى قىزىقارلىق پائالىيەتلەر» قىشلىق لاگېرى قاتارلىق ئون نەچچە خىل پائالىيەتلەر بار بولۇپ، 2-ئاينىڭ 25-كۈنىگىچە داۋاملىشىدىكەن.

　　كۆرۈپ بېكىتكۈچى: ياسىن قادىر

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ