دېھقانلارنى كۆڭلىگە پۈككەن كادىر

2014.07.04 13:20   مەنبە: خەلق تورى

　　خەلق تورى ئۇيغۇرچە قانىلىنىڭ 4-ئىيۇن بېيجىڭدىن بەرگەن تېلېگراممىسى: ئىختىيارىي مۇخبىرىمىز ئابلەت ئەخمەت خەۋىرى، فوتوسى: پوسكام ناھىيە كۈيباغ بازارلىق مەدەنىيەت-تەنتەربىيە-رادىيو-تېلېۋىزىيە پونكىتىنىڭ باشلىقى ئابلىكىم مۇھەممەت خىزمەتكە قاتناشقان تۆت يىلدىن بۇيان تۈرلۈك ۋەزىپىلەرنى بىجانىدىل ئورۇنداپ، بازارلىق پارتكوم، خەلق ھۆكۈمىتىنىڭ ۋە ئاممىنىڭ بىردەك ئېتراپ قىلىشىغا ئېرىشتى. بولۇپمۇ، ئاپتونوم رايونىمىزدا يولغا قويۇلۇۋاتقان خەلق تۇرمۇشى قۇرۇلۇشىنىڭ مۇھىم بىر تۈرى بولغان رادىيو-تېلېۋىزىيەنى ھەممە ئائىلىلەرگە كىرگۈزۈش قۇرۇلۇشى 2013- يىلى 10- ئايدا كۈيباغ بازىرىدا باشلانغاندىن بۇيان يۈكسەك سىياسىي مەسئۇلىيەتچانلىق بىلەن، پونكىتتا ئۆزىدىن باشقا خادىم بولمىغان ئەھۋالدا كېچىنى كۈندۈزگە ئۇلاپ ئىشلەپ، ئىككى ئايغا يەتمىگەن ۋاقىتتا بۇ بازاردىكى 2700 دىن كۆپرەك دېھقان ئائىلىسىگە رادىيو-تېلېۋىزىيە ئانتىنىسى ئورنىتىش، پىروگرامما سىفىرلىرىنى تەڭشەپ يۈرۈشلەشتۈرۈش ۋەزىپىسىنى سۈپەتلىك ئورۇندىدى. بازارلىق پارتكوم، خەلق ھۆكۈمىتى ئورۇنلاشتۇرغان باشقا خىزمەتلەرنى ۋە پونكىتنىڭ كەسپىي خىزمەتلىرىنى ياخشى ئىشلەش بىلەن بىللە كۈندىلىك خىزمەتلەر داۋامىدا كەنت، مەھەللىلەرنى ئارىلاپ، رادىيو-تېلېۋىزىيە پىروگراممىلىرى كاشىلىغا يولۇققان ئائىلىلەر مەسىلە ئىنكاس قىلغان ھامان ھېچقانداق سەۋەب كۆرسەتمەي، كاشىلىلارنى ۋاقتىدا بىر تەرەپ قىلىپ، ئاھالىلەرنىڭ رادىيو-تېلېۋىزىيە پىروگراممىلىرىنى تولۇق كۆرۈشىگە كاپالەتلىك قىلدى.

　　سۈرەتتە: ئابلىكىم مۇھەممەت كۈيباغ بازىرىنىڭ دۆڭمەھەللە كەنتىگە چۈشكەن «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمىتى ئەترىتىدىكى يولداشلارنىڭ ھاۋالىسى بىلەن 7- ئاينىڭ 3- كۈنى چۈشلۈك ئارام ئېلىش ۋاقتىدىن پايدىلىنىپ، بۇ كەنتنىڭ 2- مەھەللىسىدىكى تۇرسۇن مەتقۇرباننىڭ ئۆگزىسىدىكى ئانتىنانى رېمونت قىلىپ بەرمەكتە.

مۇخبىر: پوسكام ناھىيەلىك خەلق قۇرۇلتىيى دائىمىي كومىتېتىدا

مۇھەررىر : ت. ئا.ئەركمان
مەنبە: خەلق تورى