ئەنگىليە ‹‹ ئەينەك گېزىتى ›› نىڭ 12- مايدىكى خەۋىرىگە قارىغاندا ، ئامېرىكىلىق 33 ياشلىق ھامىلدار مېگىن بەدەن چىنىقتۇرۇشنى ھەدىدىن زىيادە ياخشى كۆرگەنلىكتىن ، تاكى تۇغۇت ئۆيىگە كىرگىچە بەدەن چىنىقتۇرۇپ ، ئېغىرلىق كۆتۈرۈشنى توختاتمىغان .
سۈرەتتىكى توققۇز ئايلىق بولغان مېگىن بەدەن چىنىقتۇرۇش ئۆيىدە ئېغىرلىق كۆتۈرۈشنى مەشىق قىلىۋاتقان بولۇپ ، قوسىقى خېلىلام يوغانلىغان مېگىن ھىچقانداق توسالغۇغا ئۇچرىمىغاندەك قىلاتتى . ئىگىلىنىشىچە ، ئۇ ھەر ھەپتىدە تۆت قېتىم چىنىقىش ئۆيىگە بېرىپ ، ئېغىرلىق كۆتۈرۈش ، گىمناستىكا ۋە ئوكسىگېنلىق ھەرىكەتلەرنى ئىشلەيدىكەن . بۇنىڭدىن باشقا ، يەنە ھەركۈنى ئەرمەك ئىتىنى ئېلىپ 4.8 كىلومېتىرغا ماڭىدىكەن .
شۇ يەر ۋاقتى 3-ماي كۈنى ، مېگىن بىر قىز بوۋاقنى ئۆزى تۇغۇپ، ئانا بولغان . ئۇنىڭ ئېيتىشىچە، ئۇ يەنە ئۈچ ھەپتىدىن كېيىن چىنىقىش ئۆيىگە قايتىپ بارىدىكەن .