ليۇ يۈنشيەن خەلق گېزىتخانىسىغا بېرىپ، تەكشۈرۈپ تەتقىق قىلدى(1)
جۇڭگو كومپارتىيەسى مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، مەركىزىي كومىتېت شۇجىچۇسىنىڭ شۇجىسى ليۇ يۈنشيەن تۈنۈگۈن چۈشتىن كېيىن خەلق گېزىتخانىسىغا بېرىپ، يېڭى ۋەزىيەت ئاستىدا تەشۋىقات جامائەت پىكرى خىزمىتىنى ياخشى ئىشلەش ھەققىدە تەكشۈرۈپ تەتقىق قىلىپ، باش شۇجى شى جىنپىڭنىڭ بىر قاتار مۇھىم سۆزلىرىنىڭ روھىنى چوڭقۇر ئۆگىنىپ ۋە ئىزچىللاشتۇرۇپ، توغرا جامائەت پىكرى بىلەن يىتەكچىلىك قىلىشنى مەھكەم ئىگىلەپ، تەشۋىقات، جامائەت پىكرىنىڭ ئىجابىي رولىنى تولۇق جارىي قىلدۇرۇپ، سوتسىيالىستىك يادرولۇق قىممەت قارىشى قۇرۇلۇشىنى پۇختا ئىلگىرى سۈرۈپ، جۇڭگوچە سوتسىيالىزىمدا چىڭ تۇرۇپ ۋە ئۇنى تەرەققىي قىلدۇرۇپ، جۇڭخۇا مىللەتلىرىنىڭ ئۇلۇغ گۈللىنىشىدىن ئىبارەت جۇڭگو ئارزۇسىنى ئىشقا ئاشۇرۇش ئۈچۈن، قۇدرەتلىك روھىي كۈچ مەجەسسەملەشنى تەكىتلىدى.
ليۇ يۈنشيەن خەلق گېزىتخانىسىنىڭ خىزمەتلىرىنى تولۇق مۇئەييەنلەشتۈردى. سوتسىيالىستىك يادرولۇق قىممەت قارشى يېتىلدۇرۇش ۋە ئۇنى نۇرلاندۇرۇش يېڭى ۋەزىيەت ئاستىدىكى تەشۋىقات، جامائەت پىكرى خىزمىتىنى ياخشى ئىشلەشتە ئومۇملۈق ئەھمىيىتىگە ئىگە بىر تۈرلۈك مۇھىم ۋەزىپە، دەپ كۆرسەتتى. باش شۇجى شى جىنپىڭنىڭ سوتسىيالىستىك يادرولۇق قىممەت قارىشى توغرىسىدىكى مۇھىم بايانلىرىنى چوڭقۇر ئۆگىنىپ ۋە چۈشىنىپ، يادرولۇق قىممەت قارىشى قۇرۇلۇشىنىڭ زور ئەھمىيىتى، نىشان ۋەزىپىلىرىنى چوڭقۇر تونۇپ، ئىدىيە ئاڭلىقلىقىنى يەنىمۇ كۈچەيتىپ، مەسئۇلىيەت ۋە بۇرۇچىنى ئېنىق تونۇپ، يادرولۇق قىممەت قارشىنى نۇرلاندۇرۇش تەلىپىنى تەشۋىقات، جامائەت پىكىرى خىزمىتىنىڭ ھەرقايسى تەرەپلىرىدە ئىپادىلەش لازىم.
ليۇ يۈنشيەن مۇنۇلارنى تەكىتلىدى: ئاخبارات خىزمەتچىلىرى جەمئىيەت ئىستىلىغا يىتەكچىلىك قىلىپ، مەدەنىيەتنىڭ تەرەققىي قىلىشىغا تۈرتكە بولۇشتەك مۇھىم ۋەزىپىنى ئۈستىگە ئالغان، شۇڭا ئۇ كەسىپ ئەخلاقىغا ئەمەل قىلىپ، سوتسىيالىستىك يادرولۇق قىممەت قارىشىنىڭ يولغا قويغۇچىسى، تۈرتكە بولغۇچىسى ۋە يىتەكچىلىك قىلغۇچىسى بولۇشى كېرەك.
مەسئۇل مۇھەررىر : ئالىم راخمان
باش بەت قىلىڭ
بەت ساقلاڭ ئالاقىلىشىڭ بىز 
سۈرەتلەر
