چەت ئەل تاراتقۇلىرى مەملىكەتلىك خەلق قۇرۇلتىيىنىڭ تۇنجى مەيدان ئاخبارات ئېلان قىلىش يىغىنىغا توپلاشتى(1)

2016.03.05 10:47   مەنبە: خەلق تورى

　　خەلق تورى ئۇيغۇرچە قانىلىنىڭ 5-مارت بېيجىڭدىن بەرگەن تېلېگراممىسى: 12 - نۆۋەتلىك مەملىكەتلىك خەلق قۇرۇلتىيى 4 – يىغىنى 4-مارت چۈشتىن بۇرۇن سائەت 11 دە خەلق سارىيى 、ئاخبارات تارقىتىش زالىدا ئاخبارات ئېلان قىلىش يىغىنى ئۆتكۈزدى، يىغىن باياناتچىسى فۇ يىڭ يىغىن قارالمىسى ۋە خەلق قۇرۇلتىيىنىڭ خىزمىتىگە ئالاقىدار مەسىلىلەر توغرىسىدا جۇڭگو ۋە چەت ئەللىك مۇخبىرلارنىڭ سوئالىغا جاۋاب بەردى.

　　يىغىن مەيدانىنىڭ ئىچى ۋە سىرتىدىكى نۇرغۇن چەت ئەل تاراتقۇلىرى زىيارەت قىلىپ سۈرەتكە ئالماقتا. ئىگىلىنىشىچە، بۇ يىل 3200 دىن ئارتۇق جۇڭگولۇق ۋە چەت ئەللىك مۇخبىر ئىككى يىغىن زىيارىتىگە تىزىملاتقان. تىزىملاتقان مۇخبىرلار ئىچىدە، چېگرا ئىچىدىكى مۇخبىر 1900 دىن كۆپ، شياڭگاڭ، ئاۋمېن، تەيۋەنلىك مۇخبىر 360 دىن كۆپ، چەت ئەللىك مۇخبىر 1000 دىن كۆپ بولۇپ، چەت ئەللىك مۇخبىرلار ئالدىنقى يىلدىكىدىن بىرئاز كۆپەيگەن.

　　تەكشۈرۈپ بېكىتكۈچى: تۇرغۇن ئابلىز

　　مەنبە: خەلق تورى

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ