سۈرەتتە: شى جىنپىڭ، لى كېچياڭ، جاڭ دېجياڭ، ليۇ يۈنشەن، ۋاڭ چىشەن، جاڭ گاۋلى رەئىس سەھنىسىدە.
خەلق تورى ئۇيغۇرچە قانىلىنىڭ 4-مارت بېيجىڭدىن بەرگەن تېلېگراممىسى: ھاكىمىيەت ئىشلىرىنى كېڭىشىپ ۋە مۇھاكىمە قىلىپ، ئىسلاھاتنىڭ ئۇلۇغ لايىھەسىنى بىرلىكتە تۈزۈپ، قەلبلەرنى مايىللاشتۇرۇپ، كۈچلەرنى مۇجەسسەملەپ، گۈللىنىش ئۇلۇغ ئىشىنى بىرلىكتە ئىشقا ئاشۇرايلى. جۇڭگو خەلق سىياسىي مەسلىھەت كېڭىشى مەملىكەتلىك 12-نۆۋەتلىك كومىتېتىنىڭ 4-يىغىنى 3-مارت چۈشتىن كېيىن خەلق سارىيىدا ئېچىلدى. سىياسىي كېڭەشنىڭ 2100دىن كۆپ ئەزاسى بۇنىڭدىن كېيىنكى ئون نەچچە كۈن داۋامىدا «13-بەش يىللىق» يىرىك پىلان تېزىسى لايىھەسى ۋە ئالاقىدار دوكلاتلارنى مەھكەم چۆرىدەپ، فۇنكسىيەسىنى ئەستايىدىل ئادا قىلىپ، ئاكتىپ چارە-تەدبىر كۆرسىتىپ، ئومۇميۈزلۈك ھاللىق جەمئىيەت قۇرۇپ چىقىش، جۇڭخۇا مىللەتلىرىنىڭ ئۇلۇغ گۈللىنىشىدىن ئىبارەت جۇڭگو ئارزۇسىنى ئىشقا ئاشۇرۇشقا يېڭى، تېخىمۇ زور تۆھپىلەرنى قوشقۇسى. خەلق سارىيىنىڭ 10 مىڭ كىشىلىك زالى قاينام-تاشقىنلىققا، قىزغىن كەيپىياتقا چۆمدى، مەملىكىتىمىزدىكى ھەر مىللەت خەلقنىڭ بۈيۈك ئىتتىپاقلىقىنىڭ سىمۋولى بولغان سىياسىي كېڭەشنىڭ يىغىن بەلگىسى رەئىس سەھنىسىنىڭ ئوتتۇرىسىغا ئېسىلغانىدى، ئوتقاشتەك ئون قىزىل بايراق ئىككى تەرەپكە قويۇلغانىدى.
مەملىكەتلىك سىياسىي كېڭەشنىڭ رەئىسى يۈ جېڭشېڭ، مەملىكەتلىك سىياسىي كېڭەشنىڭ مۇئاۋىن رەئىسى دۇ چىڭلىن، خەن چىدې، پابالا گېلىلاڭجيې، دۇڭ جيەنخۇا، ۋەن گاڭ، لىن ۋېنيى، لو فۇخې، خې خۇخۇا، جاڭ چىڭلى، لى خەيفېڭ، چېن يۈەن، لۇ جەنگۇڭ، جۇ شياۋچۇەن، ۋاڭ جيارۈي، ۋاڭ جېڭۋېي، ما بياۋ، چى شۈچۈن، چېن شياۋگۇاڭ، ما پېيخۇا، ليۇ شياۋفېڭ، ۋاڭ چىنمىن رەئىس سەھنىسىنىڭ ئالدىنقى رېتىدىن ئورۇن ئالدى.
پارتىيە ۋە دۆلەت رەھبەرلىرىدىن شى جىنپىڭ، لى كېچياڭ، جاڭ دېجياڭ، ليۇ يۈنشەن، ۋاڭ چىشەن، جاڭ گاۋلى قاتارلىقلار رەئىس سەھنىسىدىن ئورۇن ئېلىپ، يىغىننىڭ ئېچىلغانلىقىنى تەبرىكلىدى. سىياسىي كېڭەش مەملىكەتلىك 12 - نۆۋەتلىك كومىتېتىنىڭ 4-يىغىنىغا قاتنىشىشقا تېگىشلىك ئەزا 2214، ئەمەلىي قاتناشقىنى 2136 بولۇپ، بەلگىلەنگەن ئادەم سانىغا ئۇيغۇن. دۇ چىڭلىن چۈشتىن كېيىن سائەت 3 تە يىغىننىڭ ئېچىلغانلىقىنى جاكارلىدى، ھەممەيلەن ئورنىدىن تۇرۇپ دۆلەت شېئىرىنى ئېيتتى. يىغىندا ئالدى بىلەن سىياسىي كېڭەش مەملىكەتلىك 12-نۆۋەتلىك كومىتېتى 4-يىغىنىنىڭ قارالمىلىرى قاراپ چىقىلىپ ماقۇللاندى.
يۈ جېڭشېڭ سىياسىي كېڭەش مەملىكەتلىك 12-نۆۋەتلىك كومىتېتى دائىمىي كومىتېتىغا ۋاكالىتەن يىغىنغا خىزمەت دوكلاتى بەردى. (شىنجاڭ گېزىتى تەرجىمىسى)
مەنبە: خەلق تورى