خەلق تورى ئۇيغۇرچە قانىلىنىڭ 5-مارت بېيجىڭدىن بەرگەن تېلېگرامممىسى: 12-نۆۋەتلىك مەملىكەتلىك خەلق قۇرۇلتىيى 4-يىغىنى 4-مارت خەلق سارىيىدا ئاخبارات ئېلان قىلىش يىغىنى ئاچتى. يىغىن باياناتچىسى فۇ يىڭ بۇ قېتىمقى يىغىن قارالمىلىرى ۋە خەلق قۇرۇلتىيى خىزمىتىگە ئالاقىدار مەسىلىلەردىن جۇڭگو ۋە چەتئەل مۇخبىرلىرىنىڭ سوئالىغا جاۋاب بەردى.
تەرەققىيات ھەققىدە پىكىر ئالماشتۇرۇش ،13-بەش يىللىق يىرىك پىلان تېزىسىنىڭ يارقىن نۇقتىسى
فۇ يىڭ مۇنداق قارىدى: بۇ قېتىمقى يىغىن مەزگىلىدە، 13-بەش يىللىق يىرىك پىلان كىشىلەرنىڭ دىققىتىنى ئەڭ تارتقان قارالمىلارنىڭ بىرى. جۇڭگو ئىقتىسادىنىڭ تۆۋەنلەش بېسىمى ئاشتى، دۇنيا ئىقتىسادىي ۋەزىيىتىمۇ تازا ياخشى ئەمەس. بۇ خىل ئەھۋالدا، تاشقى مۇھىت جۇڭگونىڭ قانداق لايىھە، تەدبىر ۋە مەبلەغ ئارقىلىق مۇقىم ئېشىشنى ئىشقا ئاشۇرۇشى ۋە تەمىنلەشتىكى يانداش قۇرۇلمىلىق ئىسلاھاتنى ئىلگىرى سۈرىشىگە ئىنتايىن كۆڭۈل بۆلۈۋاتىدۇ.
فۇ يىڭ مۇنداق دېدى: 13-بەش يىللىق يىرىك پىلان 2020-يىلى ئومۇميۈزلۈك ھاللىق جەمئىيەت قۇرۇپ چىقىشنى ئىشقا ئاشۇرۇشنىڭ ئەڭ ئاخىرقى بەش يىللىق پىلانى، لايىھە تەييارلاشنىڭ پۈتكۈل جەريانى ئەقىل-پاراسەت ۋە كۈچنى مۇجەسسەملەش جەريانى بولدى. بۇ قېتىمقى يىغىندا جەزمەن ناھايىتى كۆپ يېڭى ئىدىيە، تەكلىپ، پىكىرلەر ئوتتۇرىغا قويۇلىدۇ، شۇڭا 13-بەش يىللىق يىرىك پىلان تېزىسى بۇ قېتىمقى يىغىننىڭ بىر قىزىق نۇقتىسى، شۇنداقلا بىر يارقىن نۇقتىسى. (شىنجاڭ گېزىتى تەرجىمىسى)
مەنبە: خەلق تورى