خەلق تورى ئۇيغۇرچە قانىلىنىڭ 18-فېۋرال بېيجىڭدىن بەرگەن تېلېگراممىسى: ئەنگلىيە «كۈندىلىك پوچتا گېزىتى»نىڭ 16-فېۋرال خەۋەر قىلىشىچە، ئامېرىكا ۋىرگىنىيە ئىشتاتىدىكى كروكىرغا يېقىن بىر يەردە باشلىرى يېرىلىپ كەتكەن نۇرغۇن چوڭ ھەيكەللەرنى كۆرگىلى بولىدىغان بولۇپ، ئۇ يەر دىۋىلەر ماكانى ئەمەس، بەلكى تارىختىن بۇيانقى ئامېرىكا زۇڭتۇڭلىرىنىڭ يېرىم چۈشكەن ھەيكەللىرى ئىكەن.
2004-يىلى، كروكىردا بىر زوڭتوڭ باغچىسى ئېچىلىپ، 43نەپەر زۇڭتۇڭنىڭ چوڭ تىپتىكى ھەيكىلى قويۇلۇپ، ساياھەتچىلەرنى جەلپ قىلىشنى ئۈمىد قىلغان. بىراق باغچا چۆلدەرەپ قالغان، ئاخىرىدا مەبلەغ كەمچىل بولغانلىقتىن 2010-يىلى تاقالغان. ئەينى ۋاقىتتا باغچىنى قۇرۇشقا ياردەم قىلغان خوۋارد خانكىن 2012-يىلى بۇ زوڭتوڭ ھەيكەللىرىنى ئۆزىنىڭ خۇسۇسىي دېھقانچىلىق مەيدانىغا يۆتكەپ كەلگەن.
بۇ ھەيكەللەرنىڭ ھەربىرىنىڭ ئېگىزلىكى 20فۇت (تەخمىنەن 6.1مېتىر) كېلىدىكەن، لېكىن ئۇلارنى ئاسراش ياكى كەمچىل ياكى توشۇش جەريانىدا زەخمىگە ئۇچرىغانلىقتىن، ھازىر كۆپىنچە ھەيكەللەر «چىرايى بۇزۇلغان» ياكى «بېشى يېرىلغان» ھالەتتە بۇ يەرنىڭ ۋەھىمىلىك كەيپىياتىنى تېخىمۇ ئاشۇردى.
بىراق خانكىن ھامان بىر كۈنى بۇ يېرىم گەۋدىلىك ھەيكەللەرنىڭ قايتا كۆرگەزمە قىلىنىدىغانلىقىغا ئىشىنىدۇ، شۇڭا ئۇلارنى بۇزۇۋېتىشنى خالىمايدۇ. ئىگىلىنىشىچە، ئۇ ئالاقىدار دائىرىلەر بىلەن بۇ ھەيكەللەرگە يېڭى ماكان ئىزدەش ھەققىدە ئىزدىنىۋېتىپتۇ.
تەكشۈرۈپ بېكىتكۈچى: تۇرغۇن ئابلىز
مەنبە: خەلق تورى