خەلق تورى ئۇيغۇرچە قانىلىنىڭ 2-فېۋرال بېيجىڭدىن بەرگەن تېلېگراممىسى: ج ك پ مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، گوۋۇيۈەن زۇڭلىسى لى كېچياڭنىڭ رىياسەتچىلىكىدە 31-يانۋار سۆھبەت يىغىنى ئېچىلدى. يىغىندا مائارىپ، پەن، مەدەنىيەت، سەھىيە، تەنتەربىيە ساھەسىدىكى زاتلار ۋە ئاساسىي قاتلام ئامما ۋەكىللىرىنىڭ «ھۆكۈمەت خىزمىتىدىن دوكلات(پىكىر ئېلىش نۇسخىسى)» توغرىسىدىكى پىكىر-تەكلىپلىرى ئاڭلاپ ئۆتۈلدى.
گوۋۇيۈەننىڭ مۇئاۋىن زۇڭلىسى جاڭ گاۋلى، ج ك پ مەركىزىي كومىتېتى سىياسىي بىيۇروسى دائىمىي كومىتېتىنىڭ ئەزاسى، گوۋۇيۈەننىڭ مۇئاۋىن زۇڭلىسى ۋاڭ ياڭ يىغىنغا قاتناشتى.
يىغىندا، توققۇز ۋەكىل ئۆز خىزمىتىگە بىرلەشتۈرۈپ، ھەر ساھە، ھەر كەسىپلەردە بارلىققا كەلگەن جۇش ئۇرۇپ راۋاجلىنىش يېڭى كەيپىياتى توغرىسىدا سۆز قىلدى. لى كېچياڭ كۆپچىلىك بىلەن چوڭقۇر پىكىر ئالماشتۇردى ۋە ئۇلارغا چاغىنىنى مۇبارەكلىدى. ئۇ مۇنداق دېدى: پارتىيە 18-قۇرۇلتىيىدىن بۇيان، يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ رەھبەرلىكىدە، ئېلىمىز تۈرلۈك ئىشلاردا ئاسان قولغا كەلمەيدىغان نەتىجىلەرنى قولغا كەلتۈردى. بۇ ياخشى ۋەزىيەتنى داۋاملىق ياخشى ساقلاش ئۈچۈن چوقۇم خەلقنىڭ پاراسىتى ۋە كۈچىنى يەنىمۇ ئۇرغۇتۇپ، ئامما ئەڭ كۆڭۈل بۆلىدىغان، ئەڭ بىۋاسىتە، ئەڭ رېئال مەنپەئەت مەسىلىلىرىنى يەنىمۇ ياخشى ھەل قىلىش كېرەك. كۆپچىلىكنىڭ ئوچۇق-يورۇق تەكلىپ بېرىپ، ھۆكۈمەت خىزمىتىنىڭ ئەل رايىنى بىلىشى، ئەل رايىغا بېقىشى، ئەل رايىنى مۇجەسسەملىشىگە، تۈرلۈك سىياسەتلەرنى ئاممىنىڭ ئارزۇسى بىلەن تېخىمۇ ياخشى باغلىشىغا تۈرتكە بولۇشىنى ئۈمىد قىلىمەن.
شىنجاڭ گېزىتى تەرجىمىسى
مەنبە: خەلق تورى