شائىر، بالىلار يازغۇچىسى ۋە ئەدەبىي تەرجىمان پەرھات ئىلياس 1964 – يىلى چاپچال ناھىيەسىنىڭ جاغىستاي يېزىسىدا تۇغۇلغان. 1982 – يىلى مەركىزىي مىللەتلەر ئىنستېتۇتىغا قوبۇل قىلىنىپ، ماتېماتىكا، تىلشۇناسلىق كەسپلىرىدە ئوقۇغان. 1987 – يىلى مەكتەپ پۈتكۈزگەندىن تارتىپ تا ھازىرغىچە ئاپتونوم رايونلۇق پارتىيە مەكتەپ، «دۇنيا ئەدەبىياتى» ژۇرنىلى، «شىنجاڭ مائارىپ گېزىتى»، شىنجاڭ مائارىپ نەشرىياتى دەرسلىك بۆلۈمى، ئوقۇپ تەكشۈرۈش بۆلۈمى قاتارلىق ئورۇنلاردا ئىشلەپ كەلگەن. ھازىر ئۇ شىنجاڭ مائارىپ نەشرىياتىنىڭ ئالىي مۇھەررىرى، جۇڭگو يازغۇچىلار جەمئىيىتىنىڭ ئەزاسى، شىنجاڭ يازغۇچىلار جەمئىيىتىنىڭ ئەزاسى، شىنجاڭ مائارىپ ئىلمى جەمئىيىتىنىڭ كېڭەش ئەزاسى.