- مۇھىم
- مەملىكەت
- شىنجاڭ
- خەلقئارا
ئەڭ يېڭى سۈرەتلەر
ئامېرىكىدىكى ئوتتۇرا باشلانغۇچ مەكتەپ ئوقۇغۇچىلىرىنىڭ قىشلىق تەتىل مەزگىلىدىكى تۇرمۇشى
2015.02.04 16:41 مەنبە: خەلق تورى
روژدېستۋو بايرىمى، يېڭى يىل قاتارلىق ئامېرىكىنىڭ ئەڭ مۇھىم بايراملىرى قىش پەسلىگە مەركەزلەشكەنلىكى، بۇ ۋاقىتتا ئامېرىكىنىڭ شەرقىي دېڭىز قىرغىقىدا قەھرىتان سوغۇق بولغانلىقى سەۋەبىدىن، ئامېرىكىدىكى ئوتتۇرا باشلانغۇچ مەكتەپ ئوقۇغۇچىلىرى قىشلىق تەتىل مەزگىلىدە ئاساسىي جەھەتتىن بايرام ئۆتكۈزۈپ، ئائىلىسىدىكىلەر بىلەن جەم بولىدۇ ۋە دەم ئېلىشنى ئاساسلىق ئورۇنغا قويىدۇ. ئىجتىمائىي پائالىيەتلەر، كۇرسلارغا قاتنىشىش ئاساسلىقى يازلىق تەتىل مەزگىلىگە مەركەزلىشىدۇ.
ئامېرىكىنىڭ ھەر قايسى ئىشتانلىرى، ھۆكۈمەت ۋە خۇسۇسىي مەكتەپلەرنىڭ مائارىپ سىستېمىسى ئوخشاش ئەمەس، ئادەتتە تەتىلگە قويۇپ بېرىش، ئوقۇش باشلاش ۋاقىتلىرىمۇ ئوخشاش ئەمەس. ئامېرىكىنىڭ نيۇ يوركتىكى ھۆكۈمەت مەكتەپلىرىمۇ جۇڭگو مەكتەپلىرىنىڭ تەتىل ۋاقتىغا ماس كەلمەيدۇ. ھۆكۈمەت مەكتەپلىرى روژدېستۋو بايرىمىدىن يېڭى يىلغىچە بولغان ئارىلىقتا بىر قېتىم تەتىل قويۇپ بىرىدۇ، 2-ئاي مەزگىلىدە يەنە بىر قېتىم تەتىل قويۇپ بېرىدۇ. نيۇ يوركتىكى سىتەيۋىنسىن تولۇق ئوتتۇرا مەكتىپى ئوقۇغۇچىسى خۇاڭ خەنياڭنىڭ دادىسى خۇاڭ كەي مۇنداق دېدى: نيۇ يوركتا پۈتۈن شەھەر بويىچە ئوقۇغۇچى قوبۇل قىلىدىغان تولۇق ئوتتۇرا مەكتەپتىن توققۇزى بار، تولۇق ئوتتۇرا مەكتەپنىڭ ئىمتىھان نەتىجىسىگە ئاساسەن ئوقۇغۇچى قوبۇل قىلىشقا توغرا كەلسە، سىتەيۋىنسىن تولۇق ئوتتۇرا مەكتىپىدەك مۇنداق نەتىجە ئارقىلىق قوبۇل قىلىدىغان پۈتۈن نيويوركتىكى بىردىن بىر نۇقتىلىق مەكتەپلەر قىشىلىق تەتىل مەزگىلىدە ئوقۇغۇچىلارغا تەتىل تاپشۇرۇقى ئورۇنلاشتۇرمايدۇ.
خۇاڭ كەي مۇنداق دېدى: قىشلىق تەتىل مەزگىلىدە ئامېرىكىدىكى ئوتتۇرا باشلانغۇچ مەكتەپ ئوقۇغۇچىلىرىغا ھەر قايسى پەن ئوقۇتقۇچىلىرى قىسمەن تاپشۇرۇقلارنى ئورۇنلاشتۇرىدۇ. ئوقۇتقۇچىلار ئادەتتە تەتىل مەزگىلىدە ئوقۇغۇچىلىرىغا بىر كىتاب ئوقۇش، تېما ئىشلەش تاپشۇرۇقى بېرىدۇ. بۇ تاپشۇرۇقنى ئىشلەش ئۈچۈن ئوقۇغۇچىلار كۈتۈپخانىلار ياكى تورغا چىقىپ ماتېرىيال كۆرۈدۇ . بۇ تاپشۇرۇقلار كۆپ بولمىسىمۇ، لېكىن بەزىدە بىر نەچچە ئوقۇغۇچىنىڭ ھەمكارلىشىپ ئىشلىشىگە توغرا كېلىدۇ. ئۇ مەكتەپنىڭ پرىنسىپى تەتىل مەزگىلىدە ئوقۇغۇچىلارنى ياخشى دەم ئالدۇرۇش،دېدى.
خۇاڭ كەي مۇنداق دېدى: ئامېرىكىدىكى تولۇق ئوتتۇرا مەكتەپنىڭ يۇقىرى يىللىق ئوقۇغۇچىسىغا نىسبەتەن ئېيتقاندا ، قىشلىق تەتىل مەزگىلىدە قىسمەن مەكتەپلەر ئوقۇغۇچىلارنى ئالىي مەكتەپلەرنى ئېكسكۇرسىيە قىلىشقا ئورۇنلاشتۇرۇشى مۇمكىن. ئاتا ئانىلارمۇ 2-ئايدىكى تەتىل مەزگىلىدە پەرزەنتلىرىگە ئالىي مەكتەپلەرنى كۆرسىتىدۇ. ئالىي مەكتەپلەرنى ئېكسكۇرسىيە قىلىش ئادەتتە لېكسىيە ئاڭلاش، مەكتەپنى ئېكسكۇرسىيە قىلىشنى ئۆز ئىچىگە ئالىدۇ. لېكسىيىدە ئادەتتە مەكتەپ ئوقۇغۇچى قوبۇل قىلىش ئىشخانىسى، ئىشخانىدىكى ئوقۇتقۇچىلار مەكتەپنىڭ ئالاھىدىلىكى، كەسپىي ئۈستۈنلىكى، ئوقۇغۇچىلارنىڭ ئورۇنلىشىشى قاتارلىقلارنى سۆزلەيدۇ. مەكتەپنى ئېكسكۇرسىيە قىلغاندا شۇ مەكتەپنىڭ ستۇدېنتلىرى يېتەكلەيدۇ.
ئامېرىكىدىكى ئوتتۇرا باشلانغۇچ مەكتەپ ئوقۇغۇچىلىرىنىڭ ئالىي مەكتەپلەرنى كۆرۈش پائالىيىتى كۆپرەك يازلىق تەتىل مەزگىلىگە ئورۇنلاشتۇرۇلىدۇ. ئامېرىكىدىكى ئوتتۇرا مەكتەپلەر تولۇق ئوتتۇرا مەكتەپ ئوقۇغۇچىلىرىنى يەنە كۆپ خىل ئۇچۇرلار ئالايلۇق،تۈرلۈك مۇسابىقىلەرگە قاتنىشىش ئۇچۇرلىرى، پىدائىيلىق ئۇچۇرلىرى بىلەن تەمىنلەيدۇ. ئوقۇغۇچىلار ئۆزلىرىنىڭ قىزىقىشىغا ئاساسەن ئۆز ئالدىغا ئالاقىلىشىدۇ. ئامېرىكىدىكى تولۇق ئوتتۇرا مەكتەپ ئوقۇغۇچىلىرى ئادەتتە پىدائىي بولىدۇ. بۇ ئالىي مەكتەپكە ئىمتىھان بېرىشنىڭ بىر مەزمۇنى شۇنداقلا ياخشى ئالىي مەكتەپلەرنىڭ ئوقۇغۇچى قوبۇل قىلغاندا ئويلىشىدىغان مۇھىم بىر كۆرسەتكۈچى.
نيو يورك بۇرىكلىن 105–باشلانغۇچ مەكتەپنىڭ مۇئاۋىن مۇدىرى لى خۈيلىن مۇنداق دېدى: قىشلىق تەتىل مەزگىلىدە قانداق پائالىيەتكە ئۇيۇشتۇرۇشنى ھەر قايسى مەكتەپلەر ئۆزى بەلگىلەيدۇ. بىزنىڭ مەكتەپتە مەخسۇس ئاتا ئانىلار مەكتەپ كومىتېتى بۇنى پىلانلايدۇ ھەمدە تەشكىللەپ يولغا قويىدۇ. ھەر يىلى قىشلىق تەتىل مەزگىلىدە سىرتلارنى ساياھەت قىلىش ۋە ئېكسكۇرسىيە پائالىيەتلىرى ئۇيۇشتۇرىدۇ.
ئۇ مۇنداق دېدى: ئوقۇغۇچىلار ئىنتايىن كۆپ بولغانلىقتىن مەكتەپ بىلەن ئاتا ئانىلار مەكتەپ كومىتېتىنىڭ بايلىقى ۋە مەبلىغى چەكلىك، شۇڭا ئادەتتە چەك تارتىش چارىسى قوللىنىلىدۇ. چەك تارتقان ئوقۇغۇچىلار ئاتا ئانىسى پەرزەنتىنى تۈرلۈك پائالىيەتلەرگە قاتناشتۇرىدۇ؛ ئالايلۇق، نيۇ يوركتىكى باراۋىنكىس ھايۋاناتلار باغچىسى، نيۇ يورك تەبئىيەت تارىخ موزىيى قاتارلىقلارنى ئېكسكۇرسىيە قىلدۇرىدۇ.
ئۇ مۇنداق دېدى: پائالىيەتتە مەكتەپ بىلەن ئاتا ئانىلار مەكتەپ كومىتېتى مەكتەپ ئاپتوموبىلىنى ئورۇنلاشتۇرۇش، باشقا بارلىق خىراجەتلەرنى تۆلەشكە مەسئۇل بولىدۇ. چۈنكى بۇ ئاتا ئانىلار بىلەن پەرزەنتلىرى بىرلىكتە قاتنىشىدىغان پائالىيەت بولغاچقا، ئائىلىسىدە قىيىنچىلىقى بار ئوقۇغۇچىلارنىڭ قىشلىق تەتىل مەزگىلىدىكى تۇرمۇشىنى بېيىتىش مەقسەت قىلىنىدۇ.
مەسئۇل مۇھەررىر : ھەبىبە ئىسمائىل
ئالاقىدار خەۋەرلەر
باش بەت قىلىڭ
بەت ساقلاڭ ئالاقىلىشىڭ بىز 
