بېيجىڭ ۋاقتى 21-ئىيۇن سەھەر سائەت 00:00 دە ئۆتكۈزۈلگەن 2014-يىللىق دۇنيا لوڭقىسى پۇتبول مۇسابىقىسى D گۇرۇپپا 4-مەيدان مۇسابىقىسىدا كوستارىكا كوماندىسى ئىتالىيە كوماندىسىنى 0:1 يەڭدى. كوستارىكا ئۇدا ئىككى مەيدان رەقىبلىرىنى يېڭىپ، بالدۇرلا 16 كۈچلۈك كوماندا قاتارىدىن ئورۇن ئالدى، بۇ ئۇدا ئىككى مەيدان ئۇتتۇرغان ئېنگىلاند كوماندىسىنىڭ شاللىنىپ قېلىشى ۋە ئىتالىيە بىلەن ئۇرۇگۋاينىڭ ئەڭ ئاخىرقى مەيداندا جان تېكىپ ئېلىشمىسا بولمايدىغان ۋەزىيەتنىڭ شەكىللىنىشىدىن دېرەك بېرىدۇ.
بېيجىڭ ۋاقتى 21-ئىيۇن سەھەر سائەت 03:00 دە ئۆتكۈزۈلگەن 2014-يىللىق دۇنيا لوڭقىسى پۇتبول مۇسابىقىسى E گۇرۇپپا 3-مەيدان مۇسابىقىسىدا فرانسىيە كوماندىسى شۋىتسارىيە كوماندىسىنى 2:5 يەڭدى. فرانسىيە كوماندىسى ئۇدا ئىككى مەيدان يېڭىپ، يىغىندا نومۇر ئالتە نومۇر بىلەن 16 كۈچلۈك قاتارىدىن ئورۇن ئالدى. گرود فرانسىيەنىڭ دۇنيا لوڭقىسى پۇتبول مۇسابىقىسىدىكى 100-توپنى كىرگۈزدى.
بېيجىڭ ۋاقتى 21-ئىيۇن سەھەر سائەت 03:00 دە ئۆتكۈزۈلگەن 2014-يىللىق دۇنيا لوڭقىسى پۇتبول مۇسابىقىسى E گۇرۇپپا 4-مەيدان مۇسابىقىسىدا ئېكۋاتور كوماندىسى گوندۇراس كوماندىسىنى 1:2 يەڭدى. بۇ نەتىجە بىلەن ئېكۋاتور كوماندىسىنىڭ 16 كۈچلۈك قاتارىدىن ئورۇن ئېلىشىغا ئازراق ئۈمىد تۇغۇلدى، گوندۇراس كوماندىسى ئۇدا ئىككى مەيدان ئۇتتۇرۇپ شاللىنىپ كەتتى.