خەلق تورى ئۇيغۇرچە قانىلىنىڭ 26-يانۋاربېيجىڭدىن بەرگەن تېلېگراممىسى (شىنجاڭ ئىقتىساد گېزىتى مۇخبىرى دىلشاد غوجائەھمەد خەۋىرى) «ئۈرۈمچى كەچلىك گېزىتى» نىڭ 10 مىڭ سان چىقىرىلغانلىقى مۇناسىۋىتى بىلەن ئۆتكۈزۈلگەن ئاپتور، ئىختىيارىي مۇخبىر، ئىخلاسمەن ئوقۇرمەنلەرنى جەم قىلىش پائالىيىتى 26 – يانۋار چۈشتىن بۇرۇن شىنجاڭ خەلقئارا چوڭ بازىرىدا ئۆتكۈزۈلدى.
1984 – يىلى 1- يانۋاردىن باشلاپ رەسمىي نەشىر قىلىنىشقا باشلىغان، ئۈرۈمچى شەھەرلىك پارتكومنىڭ ئورگان گېزىتى بولغان «ئۈرۈمچى كەچلىك گېزىتى» ئىسلاھات، ئېچىۋېتىش دەۋرىنىڭ مەھسۇلاتى بولۇپ، ئۇنىڭ ئۇيغۇرچىسى ئۇيغۇر تارىخىدىكى تۇنجى كەچلىك گېزىت، شۇنداقلا مەملىكىتىمىز بويىچىمۇ ئاز سانلىق مىللەت يېزىقىدىكى تۇنجى كەچلىك گېزىتتۇر.
پائالىيەتتە يەنە ئۇزۇندىن بېرى «ئۈرۈمچى كەچلىك گېزىتى» ئۈچۈن ماقالە ، ئەسەر بىلەن تەمىنلەپ كەلگەن غازى ئەھمەد، غەيرەتجان ئوسمان قاتارلىقلارغا شەرەپ گۇۋاھنامىسى تارقىتىلدى.
سۈرەتتە: «ئۈرۈمچى كەچلىك گېزىتى» نىڭ 10 مىڭ سان نەشىر قىلىنغالىقى پائالىيىتىدىن كۆرۈنۈشلەر.