ئوباما ئومۇميۈزلۈك قورال تىزگىنلەش تەدبىرىنى ئېلان قىلدى

2013.01.17 13:45   مەنبە: خەلق تورى

　　16-يانۋار، ئامېرىكىنىڭ پايتەختى ۋاشىنگىتوندىكى ئاق سارايدا، ئامېرىكا زۇڭتۇڭى ئوباما قورال تىزگىنلەشكە مۇناسىۋەتلىك مەمۇرىي پەرمانغا ئىمزا قويدى. شۇ كۈنى ئوباما ئاق سارايدا ئومۇميۈزلۈك قورال تىزگىنلەش تەدبىرىنى ئېلان قىلدى، ئۇ قانۇن، مائارىپ، ساغلاملىق، پەن تەتقىقات قاتارلىق مەزمۇنلارغا چېتىلىدۇ. شۇنىڭ بىلەن بىرگە ئۇ پارلامېنتنىڭ ھەرىكەتكە كېلىپ، ھۇجۇم تىپىدىكى قوراللارنى ۋە چوڭ سىغىملىق ئوقدانلارنى سېتىشنى مەنئى قىلىشنى، قورال سېتىۋالغۇچىنىڭ ئارقا كۆرۈنۈشىنى تەكشۈرۈشنى كۈچەيتىشىنى مۇراجىئەت قىلدى. ئارقىدىنلا، ئوباما قورال تىزگىنلەشكە مۇناسىۋەتلىك 23 مەمۇرىي پەرمانغا ئىمزا قويدى.

　　16-يانۋار، ئامېرىكا زۇڭتۇڭى ئوباما قورالنى ئەتراپلىق باشقۇرۇش تەدبىرىنى ئېلان قىلدى. بۇ تەدبىرلەر بەلگىلىك خەلق رايىنىڭ قوللاش ئاساسىغا ئىگە، ناۋادا ئۇ ھەقىقىي ئىجرا قىلىنسا قوراللىق جىنايەتلەرنىڭ كۆپلەپ يۈز بېرىشىنى چەكلەشكە مەلۇم دەرىجىدە پايدىسىمۇ بولىدۇ. بۇ ئامېرىكا ھۆكۈمىتىنىڭ قورال باشقۇرۇش مەسىلىسىدە باسقان چوڭ بىر قەدىمى بولۇپ ھېسابلىنىدۇ. لېكىن بەزى مۇتەخەسسىسلەر مۇنداقمۇ كۆرسەتتى، قورال باشقۇرۇشتا زور ئىلگىرلەشنى قولغا كەلتۈرۈش ئۈچۈن، ئامېرىكا چوڭ ئۆزگەرىشكە موھتاج، بۇنداق ئۆزگىرىش قانۇنغىلا چېتىلىپ قالماي، بەلكى يەنە ئىجتىمائىي ئۆلچەمگىمۇ چېتىلىدۇ.

　　مەنبە: خەلق تورى