باش بەت قىلىڭ بەت ساقلاڭ خەت ساندۇقى ئالاقىلىشىڭ بىز
  • مۇھىم
  • مەملىكەت
  • شىنجاڭ
  • خەلقئارا

ئەڭ يېڭى سۈرەتلەر



ئالبوم





خەلق تورى>>ئاڭلىغانمۇسىز

ئامېرىكىلىق 180 كىلوگىراملىق ئايالنىڭ جېنى ئامان قالدى

2013.01.15 16:15         مەنبە: تەڭرىتاغ ئۇيغۇرچە تورى

پرىنتېرلاش خەت چوڭ-كىچىكلىكى

  نۇرغۇن ئاياللار ‹‹ئارتۇقچە ماي ›› نى چىش-تىرنىقىغىچە ئۆچ كۆرىدۇ . ھالبۇكى ، تەن ئېغىرلىقى 400 قاداق (تەخمىنەن 181 كىلوگىرام) كېلىدىغان Ulanda Williams نىڭ بەدىنىدىكى ئارتۇقچە مايلار ھالقىلىق پەيتتە ئۇنىڭ ھاياتىنى قۇتقۇزۇپ قالدى ـــ ئۇ يەتتە باسقۇچ پەلەمپەيدىن يىقىلىپ ، بىر يەر ئاستى ئۆيگە چۈشۈپ كېتىپمۇ ، جېنى ئامان قالدى . ھەتتا ئۇلاندا ئۆزىمۇ ھەيران قىلىپ مۇنداق دېدى : ئەگەر بىر زىلۋا ئايال مۇشۇنداق تاسادىپىي ھادىسىگە ئۇچرىغان بولسا، گەپ يوق ئۆلگەن بولاتتى .

  ئەنگىلىيە ‹‹ كۈندىلىك پوچتا گېزىتى ›› نىڭ 13-يانۋار خەۋەر قىلىشىچە ، 32 ياشلىق ئۇلاندا 11-يانۋار كەچتە مانخاتتاننىڭ شەرقىي رايونىدىكى بىر ئاشخانىنىڭ سىرتىدا يامغۇردىن دالدىلىنىۋاتقاندا ، ئېھتىياتسىزلىقتىن تېيىلىپ يەرگە يىقىلىپ كېتىپ، يەتتە باسقۇچلۇق پەلەمپەيدىن دومىلاپ چۈشۈپ ، بىر يەر ئاستى ئۆيگە كىرىپ كەتكەن . ئۇنىڭ بىلىكى ئىككى يەردىن سۇنغان. كېيىن ئوت ئۆچۈرۈش خادىملىرى كران بىلەن ئۇنى قۇتقۇزۇپ چىققان .

  دوختۇرخانىدىن چىققاندىن كېيىن ، ئۇ ئاخبارات ۋاستىلىرىغا مۇنداق دېگەن : ‹‹ تەڭرىگە مىڭ شۈكۈر ، سېمىز بەدىنىم مېنى قۇتقۇزۇپ قالدى ›› .

مەسئۇل مۇھەررىر : قەدىرىيە