ئېلىمىزدە تور ئەھلىنىڭ سانى 591 مىليونغا يەتتى

2013.07.19 08:29 مەنبە: جۇڭگو ئۇيغۇرچە رادىيو تورى

پرىنتېرلاش

خەت چوڭ-كىچىكلىكى

　　جۇڭگو ئىنتېر تورى ئۇچۇر مەركىزى تۈنۈگۈن ئېلان قىلغان «32-قېتىملىق جۇڭگو ئىنتېر تورى تەرەققىيات ئەھۋالىنى تەكشۈرۈش ئىستاتىستىكا دوكلاتى» دا كۆرسىتىلىشىچە، بۇ يىل 6-ئاينىڭ ئاخىرىغىچە ئېلىمىزدە تور ئەھلىنىڭ سانى 591 مىليونغا يېتىپ، ئۆتكەن يىلدىكىدىن 26 مىليون 560 مىڭى كۆپەيگەن. يانفون تور ئەھلى 464 مىليونغا يەتكەن، تور ئەھلى ئىچىدە يانفون بىلەن تورغا چىقىدىغانلارنىڭ نىسبىتى %78.5 كۆپەيگەن. ئىنتېر تورىنىڭ ئومۇملىشىش نىسبىتى %44.1 بولۇپ، ئۆتكەن يىلنىڭ ئاخىرىدىكىدىن ئىككى پوئىنت ئاشقان.

　　تىلغا ئېلىشقا ئەرزىيدىغىنى شۇكى، يانفون- تور ئەھلىنىڭ كۆپىيىشىدىكى بىرىنچى مەنبە بولۇپ، ئۇنىڭ تورغا چىقىشتىكى بىرىنچى تېرمىناللىق ئورنى تېخىمۇ مۇستەھكەملەنگەن. ئالدىنقى يېرىم يىلدا يېڭىدىن كۆپەيگەن تور ئەھلى ئارىسىدا %70 كىشى يانفون ئارقىلىق تورغا چىققان. تور ئەھلى پايدىلانغان تورغا چىقىش ئۈسكۈنىسى جەھەتتە، يانفون ئارقىلىق تورغا چىقىدىغان تور ئەھلىنىڭ ئېشىش نىسبىتى %78.5 كۆپەيگەن، ئۈستەل كومپيۇتېرى بىلەن تورغا چىقىدىغانلارنىڭ نىسبىتى سەل ئازايغان.

مەسئۇل مۇھەررىر : ھەبىبە