شى جىنپىڭ پورتۇگالىيە زۇڭتۇڭى دې سۇساغا تەزىيە تېلېگراممىسى ئەۋەتتى

　　دۆلەت رەئىسى شى جىنپىڭ 9 - ئاينىڭ 12 - كۈنى پورتۇگالىيەنىڭ سابىق زۇڭتۇڭى سامپايونىڭ ۋاپات بولغانلىقى مۇناسىۋىتى بىلەن پورتۇگالىيە زۇڭتۇڭى دې سۇساغا تەزىيە تېلېگراممىسى ئەۋەتتى.

　　شى جىنپىڭ تەزىيە تېلېگراممىسىدا مۇنداق كۆرسەتتى: سامپايو ئەپەندى پورتۇگالىيەنىڭ كۆزگە كۆرۈنگەن سىياسىيونى ۋە رەھبىرى، خەلقئارا جەمئىيەتتە ناھايىتى يۇقىرى ئىناۋەتكە ئىگە. ئۇ زۇڭتۇڭ بولغان مەزگىلدە، ئاۋمېن جۇڭگونىڭ قوينىغا ئوڭۇشلۇق قايتۇرۇپ كېلىندى، جۇڭگو - پورتۇگالىيە ئومۇميۈزلۈك ئىستراتېگىيەلىك ھەمراھلىق مۇناسىۋىتى ئورناتتى. ئۇ زۇڭتۇڭلۇق ۋەزىپىسىدىن قالغاندىن كېيىن، يەنىلا جۇڭگو - پورتۇگالىيە مۇناسىۋىتىگە ئۇزاققىچە كۆڭۈل بۆلۈپ، ئىككى دۆلەتنىڭ ئالماشتۇرۇشى، ھەمكارلىقىنى قوللاپ كەلدى. مەن جۇڭگو - پورتۇگالىيە مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، زۇڭتۇڭ ئەپەندى بىلەن بىرلىكتە تىرىشىپ، ئىككى دۆلەتنىڭ ئەنئەنىۋى دوستلۇقىنى ئەۋج ئالدۇرۇپ، ھەرقايسى ساھەلەردىكى ھەمكارلىقنى چوڭقۇرلاشتۇرۇپ، ئىككى دۆلەت ۋە ئىككى دۆلەت خەلقلىرىگە بەخت يارىتىشنى خالايمەن.

　　مەنبە: خەلق تورى