-ﺋﻪﻣﺪﻯ ﺋﯚﮔﯩﻨﯩﺶ ﻗﯩﻠﯩﺸﺘﺎ ﻗﯩﻴﻨﺎﻟﻤﺎﻳﻤﯩﺰ!
ﺋﯩﻠﯩﻢ ﺗﻪﮪﺴﯩﻞ ﻗﯩﻠﯩﺸﺘﺎ ﺋﯚﮔﯩﻨﯩﺶ ﺋﯘﺳﯘﻟﻰ ﻣﯘﮪﯩﻢ. ﺑﯘ ﻛﯩﺘﺎﺏ ﺩﯨﻴﺎﺭﯨﻤﯩﺰﺩﺍ ﺋﯚﮔﯩﻨﯩﺶ ﺋﯘﺳﯘﻟﻰ ﺗﻮﻏﺮﯨﻠﯩﻖ ﻧﻪﺷﺮ ﻗﯩﻠﯩﻨﻐﺎﻥ ﺗﯘﻧﺠﻰ ﻧﺎﺩﯨﺮ ﺗﻪﺭﺟﯩﻤﻪ ﻛﯩﺘﺎﺏ ﺑﻮﻟﯘﭖ, ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﺎﺳﭙﺮﺍﻧﺘﻰ ﮪﻪﺑﯩﺒﯘﻟﻼ ﺗﯘﺭﺳﯘﻥ ﺋﯘﻳﻐﺎﺭ ﯞﻩ ﺋﺎﻳﺎﻟﻰ ﺭﯨﺰﯞﺍﻧﮕﯜﻝ ﻗﺎﮪﺎﺭ ﺑﯩﻠﻪﻥ ﺑﯩﺮﻟﯩﻜﺘﻪ ﺧﻪﻧﺰﯗﭼﻪ ﯞﻩ ﺋﯧﻨﮕﻠﯩﺰﭼﻪ ﻧﯘﺳﺨﯩﺴﯩﻐﺎ ﺋﺎﺳﺎﺳﻪﻥ ﺗﻪﺭﺟﯩﻤﻪ ﻗﯩﻠﻐﺎﻥ. ﺷﯩﻨﺠﺎﯓ ﮔﯜﺯﻩﻝ ﺳﻪﻧﺌﻪﺕ-ﻓﻮﺗﻮ ﺳﯜﺭﻩﺕ ﻧﻪﺷﺮﯨﻴﺎﺗﻰ ﻧﻪﺷﺮ ﻗﯩﻠﺪﻯ. ﺑﯘ ﻛﯩﺘﺎﺑﺘﺎ ﻧﯘﺭﻏﯘﻧﻠﯩﻐﺎﻥ ﺋﺎﻟﯩﻤﻼﺭﻧﯩﯔ ﺋﯚﮔﯩﻨﯩﺶ ﺋﯘﺳﯘﻟﻰ, ﺗﻪﺟﺮﯨﺒﯩﻠﯩﺮﻯ ﺗﻮﻧﯘﺷﺘﯘﺭﯗﻟﻐﺎﻥ ﺑﻮﻟﯘﭖ, ﺑﺎﺷﻼﻧﻐﯘﭺ, ﺋﻮﺗﺘﯘﺭﺍ ﯞﻩ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ, ﺟﯜﻣﻠﯩﺪﯨﻦ ﮪﻪﺭﺑﯩﺮ ﺋﯩﻠﯩﻢ ﺗﻪﮪﺴﯩﻞ ﻗﯩﻠﻐﯘﭼﻰ ﭘﺎﻳﺪﯨﻠﯩﻨﯩﺸﻘﺎ, ﺳﺎﻗﻼﭖ ﻗﻮﻳﯘﺷﻘﺎ ﺋﻪﺭﺯﯨﻴﺪﯨﻐﺎﻥ ﺋﯧﺴﯩﻞ ﻗﻮﺭﺍﻝ ﻛﯩﺘﺎﺏ.
ﮪﺎﺯﯨﺮ ﺩﻩﯞﺭﯨﻤﯩﺰﺩﻩ ﺋﯚﮔﯩﻨﯩﺶ, ﺋﯩﻠﯩﻢ ﺗﻪﮪﺴﯩﻞ ﻗﯩﻠﯩﺶ ﮪﻪﻣﻤﯩﻤﯩﺰﮔﻪ ﺑﺎﺭﻏﺎﻧﺴﯧﺮﻯ ﻣﯘﮪﯩﻢ ﺑﻮﻟﯘﯞﺍﺗﯩﺪﯗ, ﺗﯧﺨﯩﻤﯘ ﻣﯘﮪﯩﻤﻰ ﻗﺎﻧﺪﺍﻕ ﺋﯚﮔﯩﻨﯩﺶ ﻛﯧﺮﻩﻙ, ﺩﯦﮕﻪﻥ ﻣﻪﺳﯩﻠﻪ ﺑﻮﻟﯘﭖ ﻗﺎﻟﺪﻯ. ﺑﺎﻟﻠﯩﺮﯨﯖﯩﺰﻧﯩﯔ ﺋﯚﮔﯩﻨﯩﺶ ﻧﻪﺗﯩﺠﯩﺴﻰ ﻛﯚﯕﯜﻟﺪﯨﻜﯩﺪﻩﻙ ﺑﻮﻟﻤﯩﻐﺎﻥ ﺑﻮﻟﺴﺎ, ﺋﯚﮔﯩﻨﯩﺸﻜﻪ, ﺩﻩﺭﺳﻜﻪ ﻗﯩﺰﯨﻘﻤﯩﻐﺎﻥ ﺑﻮﻟﺴﺎ, ﺋﯚﮔﯩﻨﯩﭙﻤﯘ ﻛﺎﻟﻠﯩﺴﯩﻐﺎ ﭼﯜﺷﻤﯩﮕﻪﻥ ﺑﻮﻟﺴﺎ ﻳﺎﻛﻰ ﺋﯩﻤﺘﯩﮭﺎﻥ ﻧﻪﺗﯩﺠﯩﺴﻰ ﻳﺎﺧﺸﻰ ﺑﻮﻟﻤﯩﺴﺎ ﺑﯘ ﻛﯩﺘﺎﺑﻨﻰ ﺗﻪﯞﺳﯩﻴﻪ ﻗﯩﻠﯩﻤﯩﺰ.
ﺋﯩﺸﯩﻨﯩﻤﯩﺰﻛﻰ, ﺑﯘ ﻛﯩﺘﺎﺏ ﺋﯚﮔﯩﻨﯩﺶ ﺋﯘﺳﯘﻟﻰ ﯞﻩ ﺗﻪﺟﺮﯨﺒﯩﻠﯩﺮﻯ ﺗﻮﻧﯘﺷﺘﯘﺭﯗﻟﻐﺎﻥ ﻛﺎﺗﺘﺎ ﻛﯩﺘﺎﺑﺘﯘﺭ. ﮪﻪﺭﻗﺎﻳﺴﻰ ﻛﯩﺘﺎﺑﺨﺎﻧﯩﻼﺭﻏﺎ ﺋﺎﺭﻗﺎ-ﺋﺎﺭﻗﯩﺪﯨﻦ ﺳﯧﻠﯩﻨﯩﯟﺍﺗﯩﺪﯗ.