ئىشلىتىش يېشى توققۇز ياشلىق قىزچاقلاردىن 45 ياشقىچە بولغان ئاياللارغا كېڭەيتىلدى

　　مۇخبىرنىڭ تۈنۈگۈن ئىگىلىشىچە، دۆلەت دورا نازارەتچىلىكى ئىدارىسى بالىياتقۇ بوينى راكى قاتارلىق كېسەللىكلەرنىڭ ئالدىنى ئالىدىغان توققۇز ۋالېنتلىق ئەمچەك توپچىسى ئۆسمىسى ۋىرۇسى ۋاكسىنىسى (ھاراق ئېچىتقۇچى فېرمېنت) (قىسقارتىلىپ «توققۇز ۋالېنتلىق HPV ۋاكسىنىسى» دېيىلىدۇ) نىڭ يېڭى ماس كېلىدىغان كېسەللىك دائىرىسىنى تەستىقلاپ، ئۇنىڭ ئىشلىتىلىش دائىرىسىنى 16 ياشتىن 26 ياشقىچە بولغان ياشتىكى ئاياللاردىن 9 ياشلىق قىزچاقلاردىن 45 ياشقىچە بولغان ئاياللارغىچە كېڭەيتىدىكەن.

　　ئىگىلىنىشىچە، توققۇز ۋالېنتلىق HPV ۋاكسىنىسىغا ئۈچ خىل ئىممۇنىتېتلاش تەرتىپى قوللىنىلغان بولۇپ، HPV16، 18، 31، 33، 45، 52 ۋە 58 تىپتىن كېلىپ چىقىدىغان بالىياتقۇ بوينى راكىنىڭ ئالدىنى ئېلىشقا ماس كېلىدىكەن؛ HPV6، 11، 16، 18، 31، 33، 45، 52 ۋە 58 تىپلىقتىن كېلىپ چىقىدىغان بالىياتقۇ بوينى ئېپىتېلىيەسى ئۆسمىسىنىڭ كېسەللىك ئۆزگىرىشى ۋە بالىياتقۇ بوينى ئەسلىي ئورنىدىكى بەز راكى قاتارلىقلارغىمۇ ماس كېلىدىكەن.

　　«بۇ قېتىمقى توققۇز ۋالېنتلىق HPV ۋاكسىنىسىنىڭ ياشنى كېڭەيتىشىنىڭ تەستىقتىن ئۆتۈشى كەسىپ ئىچىنى ھاياجانلاندۇرىدۇ، بۇ ئېلىمىزنىڭ ئوخشاشمىغان ياش قاتلىمىدىكى ئاياللارنىڭ HPV بىلەن يۇقۇملىنىشنىڭ ئالدىنى ئېلىش ۋە ئالاقىدار كېسەللىكلەرنىڭ خەتىرىنى تۆۋەنلىتىشكە تېخىمۇ كۆپ تاللاش ئېلىپ كېلىپ، ئېلىمىزنىڭ بالىياتقۇ بوينى راكىنى تۈگىتىش قەدىمىنى تېزلىتىشىگە تۈرتكە بولىدۇ» دېدى جۇڭگو تېببىي پەنلەر ئاكادېمىيەسى بېيجىڭ شيېخې تېببىي شۆيۈەنى توپ تېببىي ئىلمى ۋە ئاممىۋى سەھىيە شۆيۈەنىنىڭ پىروفېسسورى چياۋ يوۋلىن. merck sharp & dohme شىركىتى تەرەپنىڭ ئاشكارىلىشىچە، بۇنىڭدىن كېيىن تۆت ۋالېنتلىق ۋە توققۇز ۋالېنتلىق HPV ۋاكسىنىسى توققۇز ياشتىن 45 ياشقىچە بولغان جۇڭگودىكى ماس كېلىدىغانلارنى بالىياتقۇ بوينى راكىنى ئۆز ئىچىگە ئالغان HPV بىلەن يۇقۇملانغان ئالاقىدار كېسەللىكلەرنىڭ ھۇجۇمىدىن يىراقلاشتۇرۇدىكەن. ئىستاتىستىكىدا كۆرسىتىلىشىچە، جۇڭگو چېگراسى ئىچىدىكى 15 ياشتىن 44 ياشقىچە بولغان ئاياللار ئىچىدە بالىياتقۇ بوينى راكىنىڭ پەيدا بولۇش نىسبىتى ۋە ئۆلۈش نىسبىتى ئاياللار ئۆسمىسى بويىچە ئۈچىنچى ئورۇندا تۇرىدىكەن.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى