شى جىنپىڭ تېلېگرامما يوللاپ، ياپونىيەنىڭ باش ۋەزىرى كىشىدا فۇمىئودىن ھال سورىدى

　　خەلق تورى ئۇيغۇرچە قانىلىنىڭ 8-ئاينىڭ 24-كۈنى بېيجىڭدىن بەرگەن تېلېگراممىسى: دۆلەت رەئىسى شى جىنپىڭ 8-ئاينىڭ 22-كۈنى ياپونىيەنىڭ باش ۋەزىرى كىشىدا فۇمىئوغا تېلېگرامما يوللاپ، كىشىدا فۇمىئودىن يېڭى تىپتىكى تاجسىمان ۋىرۇس بىلەن يۇقۇملانغانلىقى مۇناسىۋىتى بىلەن ھال سورىدى.

　　شى جىنپىڭ مۇنۇلارنى بىلدۈردى: سىزنىڭ يېڭى تىپتىكى تاجسىمان ۋىرۇس بىلەن يۇقۇملانغانلىقىڭىزدىن خەۋەر تاپتىم، سىزدىن سەمىمىي ھال سورايمەن، سالامەتلىكىڭىزنىڭ بالدۇرراق ئەسلىگە كېلىشىگە تىلەكداشمەن. بۇ يىل جۇڭگو بىلەن ياپونىيەنىڭ دىپلوماتىك مۇناسىۋىتى نورماللاشقانلىقىنىڭ 50 يىللىقى، مەن سىز بىلەن بىرلىكتە يېڭى دەۋرنىڭ تەلىپىگە ماس كېلىدىغان جۇڭگو-ياپونىيە مۇناسىۋىتى بەرپا قىلىشقا تۈرتكە بولۇشنى خالايمەن.

　　شۇ كۈنى، گوۋۇيۈەن زۇڭلىسى لى كېچياڭ تېلېگرامما يوللاپ، كىشىدا فۇمىئودىن ھال سورىدى.

　　كۆرۈپ بېكىتكۈچى: ياسىن قادىر

　　مەنبە: خەلق تورى