شى جىنپىڭ دۇنيا كەسپىي تېخنىكا مائارىپى تەرەققىيات يىغىنىغا تەبرىك خېتى ئەۋەتتى

　　8 ـ ئاينىڭ 19 ـ كۈنى، دۆلەت رەئىسى شى جىنپىڭ دۇنيا كەسپىي تېخنىكا مائارىپى تەرەققىيات يىغىنىغا تەبرىك خېتى ئەۋەتتى.

　　شى جىنپىڭ مۇنداق كۆرسەتتى: كەسپىي مائارىپ ئىقتىساد، جەمئىيەت تەرەققىياتى بىلەن زىچ باغلىنىشلىق بولۇپ، ئىشقا ئورۇنلىشىش، ئىگىلىك تىكلەشنى ئىلگىرى سۈرۈش، ئىقتىساد، جەمئىيەت تەرەققىياتىغا كۈچ قوشۇش، خەلقنىڭ بەخت ـ سائادىتىنى ئاشۇرۇشتا مۇھىم ئەھمىيەتكە ئىگە. جۇڭگو كەسپىي مائارىپنىڭ يۇقىرى سۈپەتلىك تەرەققىياتىغا پائال تۈرتكە بولۇپ، جۇڭگو بىلەن چەت ئەللەرنىڭ كەسپىي مائارىپ جەھەتتىكى ئالاقىسى، ھەمكارلىقىنى قوللايدۇ. جۇڭگو تەرەپ دۇنيادىكى ھەرقايسى دۆلەتلەر بىلەن بىرلىكتە، ئۆزئارا ئۆگىنىش، ئۆزئارا ئۆرنەك ئېلىش، ئورتاق قۇرۇش، ئورتاق بەھرىلىنىشنى كۈچەيتىپ، قول تۇتۇشۇپ يەرشارىۋى تەرەققىيات تەشەببۇسىنى ئەمەلىيلەشتۈرۈپ، بىرلەشكەن دۆلەتلەر تەشكىلاتىنىڭ 2030 ـ يىل ئىمكانىيەتلىك سىجىل تەرەققىيات قارالمىسىنى تېز ئەمەلىيلەشتۈرۈش ئۈچۈن كۈچ قوشۇشنى خالايدۇ.

　　دۇنيا كەسپىي تېخنىكا مائارىپى تەرەققىيات يىغىنى شۇ كۈنى تيەنجىندە ئېچىلدى، باش تېمىسى «يۇقۇمدىن كېيىنكى دەۋردىكى كەسپىي تېخنىكا مائارىپىنىڭ تەرەققىياتى: يېڭى ئۆزگىرىش، يېڭى شەكىل، يېڭى ماھارەت» بولۇپ، مائارىپ مىنىستىرلىقى، تيەنجىن شەھەرلىك خەلق ھۆكۈمىتى بىرلىكتە مەسئۇل بولۇپ ئۆتكۈزدى.

　　مەنبە: خەلق تورى