دۆلەت ئېلېكتىر تورى چەكلىك شىركىتىنىڭ سابىق ماددىي ئەشيا بۆلۈمىنىڭ مۇدىرى چېن شياۋلىن تەكشۈرۈلدى

　　خەلق تورى ئۇيغۇرچە قانىلىنىڭ 2-ئاينىڭ 28-كۈنى بېيجىڭدىن بەرگەن تېلېگراممىسى: مەركىزىي ئىنتىزام تەكشۈرۈش كومىتېتى، دۆلەت رېۋىزىيە كومىتېتىنىڭ دۆلەت ئېلېكتىر تورى چەكلىك شىركىتىدە تۇرۇشلۇق ئىنتىزام تەكشۈرۈش، رېۋىزىيە گۇرۇپپىسى ۋە سىچۈەن ئۆلكىلىك رېۋىزىيە كومىتېتىنىڭ خەۋىرىگە ئاساسلانغاندا، دۆلەت ئېلېكتىر تورى چەكلىك شىركىتى ئەسلىدىكى ماددىي ئەشيا بۆلۈمىنىڭ سابىق مۇدىرى چېن شياۋلىن ئىنتىزامغا، قانۇنغا ئېغىر خىلاپلىق قىلغانلىقى ئۈچۈن، نۆۋەتتە ئىنتىزام تەكشۈرۈش ۋە رېۋىزىيە تەكشۈرۈشىنى قوبۇل قىلماقتا.

　　چېن شياۋلىننىڭ قىسقىچە تەرجىمىھالى

　　چېن شياۋلىن، ئەر، خەنزۇ، 1955-يىلى 10-ئايدا تۇغۇلغان، سىچۈەن ئۆلكىسىنىڭ شۈەنخەن ناھىيەسىدىن، 1972-يىلى 4-ئايدا خىزمەتكە قاتناشقان، 1988-يىلى 10-ئايدا جۇڭگو كوممۇنىستىك پارتىيەسىگە كىرگەن.

　　كۆرۈپ بېكىتكۈچى: تۇرغۇن ئابلىز

　　مەنبە: خەلق تورى