خەلق تورى ئۇيغۇرچە قانىلىنىڭ 11-سېنتەبىر دۈشەنبىدىن بەرگەن خەۋىرى: دۆلەت رەئىسى شى جىنپىڭ 11-سېنتەبىر دۈشەنبىدە رۇسىيە زۇڭتۇڭى پۇتىن، موڭغۇلىيە زۇڭتۇڭى ئەلبېگ دورجىلار بىلەن جۇڭگو-رۇسىيە-موڭغۇلىيە ئۈچ دۆلەت باشلىقلىرى ئۇچرىشىشىغا قاتناشتى.
شى جىنپىڭ مۇنۇلارنى تەكىتلىدى: جۇڭگو-رۇسىيە-موڭغۇلىيەلەر ياخشى قوشنا، ياخشى ھەمراھلاردۇر. ھازىرقى مۇرەككەپ ۋە ئۆزگىرىشچان خەلقئارا ۋە رايون ۋەزىيىتى ئاستىدا، ئۈچ دۆلەت باشلىقلىرىنىڭ تۇنجى قېتىم ئۇچرىشىپ، كۆڭۈل بۆلىدىغان ھەمكارلىق مەسىلىلىرى ئۈستىدە پىكىر ئالماشتۇرۇشى 3 تەرەپنىڭ ئۆزئارا ئىشەنچىنى ئاشۇرۇپ، ئۆزئارا مەنپەئەت يەتكۈزۈپ ئورتاق نەپ ئالىدىغان ھەمكارلىقنى ئىلگىرى سۈرۈپ، ئەۋزەللىك ئارقىلىق ئۆزئارا ئۆزئارا تولۇقلاپ، ئورتاق تەرەققىي قىلىپ، شەرقىي شىمالىي ئاسىيا رايونىنىڭ ھەمكارلىقىنى ئالغا سىلجىتىشتا ئىنتايىن زۆرۈر ھەمدە مۇھىم ئەھمىيەتكە ئىگە. ياخشى باشلىنىش يېرىم مۇۋەپپەقىيەتتۇر. بۇ قېتىملىق ئۇچرىشىشنىڭ 3 تەرەپ مۇناسىۋىتىنىڭ كەلگۈسىدە تېخىمۇ راۋاجلىنىشىغا ياخشى ئاساس سالدىغانلىقىغا ئىشىنىمەن.
جۇڭگو مىللەتلەر تەرجىمە ئىدارىسى تەرجىمىسى
مەنبە: خەلق تورى