ئاپتونوم رايوننىڭ 2015- يىللىق ياش- ئۆسمۈرلەرنىڭ ئەركىن چېلىشىش مۇسابىقىسى كۇچا ناھىيەسىدە باشلاندى

2015.07.23 17:41   مەنبە: خەلق تورى

　　خەلق تورى خەۋىرى (ئىختىيارىي مۇخبىرىمىز نىياز راھمان خەۋىرى، فوتوسى) ئاپتونوم رايۇننىڭ  2015- يىللىق ياش- ئۆسمۈرلەرنىڭ ئوغۇللار گورۇپپىسى بويچە چېلىشىش مۇسابىقىسى  23- ئىيۇل چۈشتىن بۇرۇن ئۈرۈمچى ۋاقتى سائەت 8:00دە  كۇچا ناھىيەلىك تەنتەربىيە مەركىزىدە باشلاندى .

　　ئىگىلىنىشچە ، 2015- يىللىق ياش- ئۆسمۈرلەرنىڭ ئەركىن چېلىشىش مۇسابىقىسىنى ئاپتونوم رايونلۇق تەنتەربىيە ئىدارىسى ئۇيۇشتۇرغان، كۇچا ناھىيەلىك مەدەنىيەت – تەنتەربىيە  ، رادىئو – تېلېۋىزىيە ئىدارىسى ئۆتكۈزۈشنى ئۈستىگە ئالغان  بىر قېتىملىق كۆلۈمى چوڭ ، قاتنىشش دائىرسى كەڭ بولغان  مۇسابىقە بولۇپ، مۇسابىقىگە ئاپتونوم رايۇنىمىزدىكى ھەرقايسى ۋىلايەت  (ئوبلاست )، شەھەرلەرنىڭ  13 ۋەكىللەر كوماندىسىدىن 214 نەپەر ماھىر  تاللاش مۇسابىقىسىگە قاتنىشىدىكەن . ئوغۇللارنىڭ ئەركىن چېلىشىش تۈرى بويىچە تاللاش مۇسابىقىسى23- ئىيۇلدىن  26- ئىيۇلغىچە ، قىزلارنىڭ ئەركىن چېلىشىش تۈرى بويىچە تاللاش مۇسابىقىسى26- ئىيۇلدىن30- ئىيۇلغىچە ، ھەل قىلغۇچ مۇسابىقە 30- ئىيۇلدىن  4- ئاۋغۇستقىچە ئېلىپ بېرىلىپ، ئاپتونوم رايۇنىمىزدىكى ياش – ئۆسمۈرلەرنىڭ ئەركىن چېلىشىش تۈرى بويىچە ماھارىتىنى يۇقىرى كۆتۈرۈشكە تۈرتكە بولىدىكەن .

　　سۈرەتتە: 23- ئىيۇل ئۆتكۈزۈلگەن ئوغۇللارنىڭ ئەركىن چېلىشىش مۇسابىقىسىدىن كۆرۈنۈشلەر

ئەسكەرتىش: مەنبە خەلق تورى دەپ ئەسكەرتىلگەن مەزمۇنلارنىڭ ھەممىسى خەلق تورىغا تەۋە مەزمۇنلار بولۇپ، كۆچۈرمەكچى بولسىڭىز مەنبەنى ئېنىق ئەسكەرتىڭ

خەلق تورى ئۇيغۇرچە ئۈندىدار سۇپىمىزنى قوشۇۋېلىپ، ئەڭ نوپۇزلۇق خەۋەرلەردىن خەۋەردار بولۇڭ