خەلق تورى ئۇيغۇرچە قانىلىنىڭ23 -ئىيۇل بېيجىڭدىن بەرگەن تېلېگراممىسى: 22- ئىيۇل ، « 2015 - يىللىق 3 - نۆۋەتلىك يىپەك يولى ئىقتىساد بەلبېغى شەھەر ھەمكارلىق تەرەققىيات مۇنبىرى ۋە 2 - نۆۋەتلىك يىپەك يولى خەلقئارا يېمەكلىك كۆرگەزمە سودا يەرمەنكىسى » (تۆۋەندە قىسقارتىلىپ « يېمەك-ئىچمەك يەرمەنكىسى» دېيلىدۇ) شىنجاڭ خەلقئارا كۆرگەزمە مەركىزىدە ئېچىلدى . دۇنيانىڭ 40 نەچچە شەھرىدىن كەلگەن ئىسىل يېمەكلىكلەر شىنجاڭ خەلقىگە ئوخشىمىغان تەملەردىن ھوزۇلنىشى پۇرسىتى ئېلىپ كەلدى.بۇ نۆۋەتلىك يېمەك-ئىچمەك يەرمەنكىسى يېمەكلىك رايۇنى بىلەن يېمەك - ئىچمەك رايۇنىدىن تۈزۈلگەن ، كۆرگەزمە كۆلىمى 100 مىڭ كۋادرات مېتىر ،2400دىن ئارتۇق خەلقئارا ئۆلچەملىك كۆرگەزمە ئورنى تەسىس قىلىنىپ، جەمئىي 14 كۆرگەزمە رايۇنىغا بۆلۈنگەن. يىمەكلىك رايۇنى ئاساسلىقى نانلار كۆرگەزمە رايۇنى ، چاي مەدەنىيتى كۆرگەزمە رايونى ،سۈت مەھسۇلاتلىرى كۆرگەزمە رايۇنى ، كەمپۈت كۆرگەزمە رايونىدىن ئىبارەت تۆت رايونغا بۆلۈنگەن. يېمەك - ئىچمەك رايونىدا نان مۇسابىقىسى ۋە كاۋاپ مۇسابىقىسى ئۆتكۈزىلدى.
تەكشۈرۈپ بېكىتكۈچى: تۇرغۇن ئابلىز
مەنبە: خەلق تورى