داسۇ سۇ ئېلېكتىر ئىستانسى نۆۋەتچى ئاپتوبۇسىغا ھۇجۇم قىلىشقا قاتناشقان جىنايەت گۇماندارى قولغا ئېلىندى! دىپلوماتىيە مىنىستىرلىقى ئىنكاس قايتۇردى

　　خەلق تورى ئۇيغۇرچە قانىلىنىڭ 30- ئىيۇل بېيجىڭدىن بەرگەن تېلېگراممىسى: دىپلوماتىيە مىنىستىرلىقىنىڭ باياناتچىسى جاۋ لىجيەن 29-ئىيۇل دىپلوماتىيە مىنىستىرلىقىنىڭ رەسمىيەتلىك مۇخبىرلار يىغىنىدا ئالاقىدار سوئاللارغا جاۋاب بەرگەندە مۇنداق دېدى: پاكىستان ساقچى تەرەپ 28-ئىيۇل داسۇ سۇ ئېلېكتىر ئىستانسى نۆۋەتچى ئاپتوبۇسىغا ھۇجۇم قىلىشقا چېتىشلىق ئىككى گۇماندارنى قولغا ئالدى. نۆۋەتتە جۇڭگو-پاكىستان ئىككى تەرەپ بۇ ۋەقە ئۈستىدىن بىرلەشمە تەكشۈرۈشنى قانات يايدۇرۇۋاتىدۇ. جۇڭگو پاكىستان بىلەن بولغان ماسلىشىشنى داۋاملىق كۈچەيتىپ، پۈتۈن كۈچى بىلەن ھەقىقىي ئەھۋالنى ئېنىقلاپ، ۋەقە تۇغدۇرغان ھەقىقىي قاتىلنى قاتتىق جازالاش، شۇنىڭ بىلەن بىر ۋاقىتتا، جۇڭگونىڭ پاكىستاندىكى تۈر خادىملىرى ۋە ئاپپاراتلىرىنىڭ بىخەتەرلىكىگە ئومۇميۈزلۈك كاپالەتلىك قىلىپ، بۇ خىل ۋەقەنىڭ يەنە يۈز بېرىشىنىڭ ئالدىنى ئېلىشى لازىم.

　　كۆرۈپ بېكىتكۈچى: موللانىياز تۇنىياز

　　مەنبە: خەلق تورى