شىنجاڭ ئۇيغۇر ئاپتونوم رايونلۇق ئىستاتىستىكا ئىدارىسى پاش قىلىش خەت ساندۇقى، تېلېفونى تەسىس قىلىپ، ئىنتىزامغا، قانۇنغا خىلاپ يىپ ئۇچى يوللىرىنى كېڭەيتتى

　　خەلق تورى ئۇيغۇرچە قانىلىنىڭ 2-ئاينىڭ 2-كۈنى بېيجىڭدىن بەرگەن تېلېگراممىسى: يېقىندا، ئاپتونوم رايونلۇق پارتكوم بەنگۇڭتىڭى، ئاپتونوم رايونلۇق خەلق ھۆكۈمىتى بەنگۇڭتىڭى «ئىستاتىستىكا نازارەتچىلىكىنىڭ فۇنكسىيەلىك رولىنى تېخىمۇ ئۈنۈملۈك جارى قىلدۇرۇش توغرىسىدىكى بىر قانچە تەدبىر»نى بېسىپ تارقاتتى ھەم ئۇقتۇرۇش چىقىرىپ، جايلار، تارماقلاردىن ئەمەلىيەتكە بىرلەشتۈرۈپ ئەستايىدىل ئىزچىللاشتۇرۇش، ئەمەلىيلەشتۈرۈشنى تەلەپ قىلدى. ئىستاتىستىكىدا ئىنتىزامغا، قانۇنغا خىلاپلىق قىلىش يىپ ئۇچى يوللىرىنى كېڭەيتىش ئۈچۈن، ئاپتونوم رايونلۇق ئىستاتىستىكا ئىدارىسى پاش قىلىش خەت ساندۇقى، تېلېفونى تەسىس قىلدى، ئىستاتىستىكىلىق مەخسۇس تۈزەش پاش قىلىش تېلېفونى: 2667286-0991، پاش قىلىش خەت ساندۇقى: xjtj_wfjb@163.com، ئىستاتىستىكىدا قانۇنغا خىلاپلىق قىلغاننى پاش قىلىشنى قوبۇل قىلىش تۈزۈمىنى قاتتىق ئىجرا قىلىپ، يىپ ئۇچىنى قوبۇل قىلىش، تىزىملاش، ئۆتكۈزۈپ بېرىش، بېجىرىش ۋە ئىنكاس قايتۇرۇش خىزمىتىنى ۋاقتىدا قېلىپلاشتۇرۇپ ياخشى ئىشلەيدۇ.

　　كۆرۈپ بېكىتكۈچى: ياسىن قادىر

　　مەنبە: خەلق تورى