جۇڭگو كوممۇنىستىك پارتىيەسى مەملىكەتلىك 20-قۇرۇلتىيى جۇڭگو ۋە چەت ئەل مۇخبىرلىرىنىڭ زىيارەت قىلىشىنى قارشى ئالىدۇ

　　9–ئاينىڭ 2–كۈنىدىن 16-كۈنىگىچە زىيارەت قىلىشقا تىزىمغا ئالدۇرۇش ئىلتىماسى قوبۇل قىلىنىدۇ، قۇرۇلتاي ئاخبارات مەركىزى تەسىس قىلىنىپ، مۇخبىرلار ئۈچۈن مۇلازىمەت قىلىدۇ
جۇڭگو كوممۇنىستىك پارتىيەسى مەملىكەتلىك 20-قۇرۇلتىيى ئېچىلىش ئالدىدا تۇرماقتا، قۇرۇلتاي جۇڭگو ۋە چەت ئەل مۇخبىرلىرىنىڭ زىيارەت قىلىشىنى قىزغىن قارشى ئالىدۇ.


　　چەت ئەل تاراتقۇ مۇخبىرلىرى ۋە شياڭگاڭ، ئاۋمېن، تەيۋەن تاراتقۇ مۇخبىرلىرىنىڭ زىيارەت قىلىش ئىلتىماسىنى سۇنۇشىغا قولاي بولۇش ئۈچۈن، قۇرۇلتاي مۇخبىرلار تىزىمغا ئالدۇرۇش سىستېمىسى (ساھە نامى: http://pc20reg.zgjx.cn)نى ئاچتى، چەت ئەل تاراتقۇ مۇخبىرلىرى ۋە شياڭگاڭ، ئاۋمېن، تەيۋەن تاراتقۇ مۇخبىرلىرىنىڭ بۇ سىستېما ئارقىلىق تىزىمغا ئالدۇرۇش ئىلتىماسى سۇنۇشىنى قارشى ئالىمىز. زىيارەت قىلىشقا تىزىمغا ئالدۇرۇش ئىلتىماسىنى قوبۇل قىلىش ۋاقتى 2022-يىلى 9-ئاينىڭ 2- كۈنى باشلىنىپ، 2022-يىلى 9-ئاينىڭ 16- كۈنى ئاخىرلىشىدۇ. يەرشارىۋى يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمىنىڭ تەسىرىدە، قۇرۇلتاي زىيارىتى نەق مەيداندا زىيارەت قىلىش، توردا سىنلىق زىيارەت قىلىش، يازما زىيارەت قىلىش قاتارلىق شەكىللەر ئارقىلىق ئېلىپ بېرىلىدۇ. بېيجىڭدىكى جۇڭگو ۋە چەت ئەل مۇخبىرلىرىنىڭ نەق مەيداندا زىيارەت قىلىشى قارشى ئېلىنىدۇ، چېگرا سىرتىدىكى مۇخبىرلارنىڭ توردا سىنلىق زىيارەت قىلىش، يازما زىيارەت قىلىش قاتارلىق شەكىللەر ئارقىلىق زىيارەت قىلىشى قارشى ئېلىنىدۇ.


　　جۇڭگو ۋە چەت ئەل مۇخبىرلىرىنىڭ زىيارەت قىلىشىغا قولايلىق يارىتىپ بېرىش ئۈچۈن 20- قۇرۇلتاي مەزگىلىدە، بېيجىڭدا قۇرۇلتاي ئاخبارات مەركىزى تەسىس قىلىنىدۇ. ئاخبارات مەركىزى قۇرۇلتاينى زىيارەت قىلىدىغان جۇڭگو ۋە چەت ئەل مۇخبىرلىرىنى كۈتۈۋېلىشقا مەسئۇل بولۇپ، قۇرۇلتاي ئاخبارات ئېلان قىلىش يىغىنى ۋە مۇخبىرلارنى كۈتۈۋېلىش يىغىنىنى تەشكىللەيدۇ، جۇڭگو ۋە چەت ئەل مۇخبىرلىرىنىڭ زىيارەت پائالىيىتى ئالاقىلىشىپ ئورۇنلاشتۇرۇلىدۇ، ئاخبارات مەركىزىنىڭ ھۆكۈمەت تور بېكىتى، سۇپا نومۇرى قاتارلىقلار تەسىس قىلىنىپ، «بۇلۇتتا زىيارەت قىلىش» سۇپىسى قۇرۇپ، ئالاقە تورى قاتارلىق تېخنىكىلاردىن تولۇق پايدىلىنىپ، مۇخبىرلارنىڭ قۇرۇلتاينى زىيارەت قىلىشى، خەۋەر قىلىشىنى زۆرۈر ئۇچۇر مۇلازىمىتى ۋە تېخنىكا كاپالىتى بىلەن تەمىنلەيدۇ.
كۆرۈپ بېكىتكۈچى: ياسىن قادىر
مەنبە: خەلق تورى