شى جىنپىڭ تېلېگرامما ئەۋەتىپ، تۇيىمالېئالىفانونىڭ ساموئانىڭ دۆلەت باشلىقلىقىغا ئۇدا سايلانغانلىقىنى تەبرىكلىدى

　　8-ئاينىڭ 30-كۈنى، دۆلەت رەئىسى شى جىنپىڭ تۇيىمالېئالىفانوغا تېلېگرامما ئەۋەتىپ، ئۇنىڭ ساموئا مۇستەقىل دۆلىتىنىڭ دۆلەت باشلىقلىقىغا ئۇدا سايلانغانلىقىنى تەبرىكلىدى.


　　شى جىنپىڭ مۇنداق كۆرسەتتى: جۇڭگو بىلەن ساموئا ئۆزئارا ھۆرمەت قىلىدىغان، ئورتاق تەرەققىي قىلىدىغان ئومۇميۈزلۈك ئىستراتېگىيەلىك ھەمراھلار، دىپلوماتىك مۇناسىۋەت ئورناتقاندىن بۇيان ئىككى دۆلەت مۇناسىۋىتى تېز تەرەققىي قىلىپ، ئىككى تەرەپنىڭ ئورتاق مەنپەئىتىنى ئىلگىرى سۈردى. مەن جۇڭگو-ساموئا مۇناسىۋىتىنىڭ تەرەققىياتىغا يۈكسەك ئەھمىيەت بېرىمەن، سىز بىلەن بىرلىكتە تىرىشىپ، ئىككى دۆلەتنىڭ سىياسىي جەھەتتە ئۆزئارا ئىشىنىشنى كۈچەيتىپ، ھەرقايسى ساھەلەردىكى دوستانە ئالماشتۇرۇش ۋە ھەمكارلىقنى كېڭەيتىپ، ئىككى تەرەپ مۇناسىۋىتىنىڭ ئىچكى خاس مەزمۇنىنى بېيىتىپ، ئىككى دۆلەت ۋە ئىككى دۆلەت خەلقلىرىگە بەخت يارىتىشنى خالايمەن.


　　كۆرۈپ بېكىتكۈچى: ياسىن قادىر


　　مەنبە: خەلق تورى