«شى جىنپىڭنىڭ كىشىلىك ھوقۇققا ھۆرمەت قىلىش ۋە ئۇنى كاپالەتلەندۈرۈش توغرىسىدىكى بايانلىرىدىن ئۈزۈندە»نىڭ كۆپ خىل تىلدىكى سېلىشتۇرما نۇسخىسى نەشر قىلىنىپ تارقىتىلدى

　　جۇڭگو كوممۇنىستىك پارتىيەسى مەركىزىي كومىتېتى پارتىيە تارىخى ۋە ھۆججەت ـ ئەسەرلەر تەتقىقات يۇرتى تەرجىمە قىلغان «شى جىنپىڭنىڭ كىشىلىك ھوقۇققا ھۆرمەت قىلىش ۋە ئۇنى كاپالەتلەندۈرۈش توغرىسىدىكى بايانلىرىدىن ئۈزۈندە»نىڭ رۇسچە ـ خەنزۇچە، فىرانسۇزچە ـ خەنزۇچە، ئىسپانچە ـ خەنزۇچە، ياپونچە ـ خەنزۇچە سېلىشتۇرما نۇسخىسى يېقىندا مەركىزىي تەھرىرلىك ـ تەرجىمە نەشرىياتى تەرىپىدىن نەشر قىلىنىپ تارقىتىلدى.


　　«شى جىنپىڭنىڭ كىشىلىك ھوقۇققا ھۆرمەت قىلىش ۋە ئۇنى كاپالەتلەندۈرۈش توغرىسىدىكى بايانلىرىدىن ئۈزۈندە»نى جۇڭگو كوممۇنىستىك پارتىيەسى مەركىزىي كومىتېتى پارتىيە تارىخى ۋە ھۆججەت ـ ئەسەرلەر تەتقىقات يۇرتى تەھرىرلىگەن بولۇپ، توققۇز مەخسۇس تېمىغا بۆلۈنگەن، ئۇنىڭغا يولداش شى جىنپىڭنىڭ كىشىلىك ھوقۇققا ھۆرمەت قىلىش ۋە ئۇنى كاپالەتلەندۈرۈشنى چۆرىدەپ ئېلان قىلغان بىر قاتار مۇھىم بايانلىرى سىستېمىلىق كىرگۈزۈلگەن. بۇ كىتابنىڭ رۇسچە ـ خەنزۇچە، فىرانسۇزچە ـ خەنزۇچە، ئىسپانچە ـ خەنزۇچە، ياپونچە ـ خەنزۇچە سېلىشتۇرما نۇسخىسى ۋە بۇنىڭدىن ئىلگىرى نەشر قىلىنغان ئىنگلىزچە ـ خەنزۇچە سېلىشتۇرما نۇسخىسى دۆلەت ئىچى ـ سىرتىدىكى ئوقۇرمەنلەرنىڭ شى جىنپىڭنىڭ ئالاقىدار مۇھىم بايانلىرىنىڭ مول ئىچكى خاس مەزمۇنىنى چوڭقۇر چۈشىنىشىدە، جۇڭگونىڭ كىشىلىك ھوقۇققا ھۆرمەت قىلىش ۋە ئۇنى كاپالەتلەندۈرۈش ئۇلۇغ ئەمەلىيىتىنى چوڭقۇر ئىگىلىشىدە، ھازىرقى زاماندىكى جۇڭگونىڭ كىشىلىك ھوقۇق قارىشىنىڭ جەلپ قىلىش كۈچى، تەسىرلەندۈرۈش كۈچى، تەسىر كۈچىنى ئاشۇرۇشتا مۇھىم ئەھمىيەتكە ئىگە.